ପ୍ରେମ ଏକ ଯୁଦ୍ଧ !

ବାସ୍ ଟିକେ ବିଶ୍ୱାସର ଟୀକା ପିନ୍ଧିଦିଅ 

ହାତରେ ହାତ ଛନ୍ଦି ପ୍ରତିଜ୍ଞାର ଗଣ୍ଠି ପକେଇଦିଅ

ନୀଳ ଆକାଶ ହସିବ ନୀଳ ସମୁଦ୍ର କାନ୍ଦିବ 

ତମେ ହାରିଗଲେ...... ||

ପ୍ରେମର ବିଜୟ ହୃଦୟର ଜୟ 

ହାତରେ ସମ୍ପର୍କର ତରବାରୀ

ଶିର ଛେଦନ କର ଅହଂକାର ରୂପୀ ରାକ୍ଷସର

ମୁଁ ଜିତି ଯାଇପାରେ ପ୍ରେମ ସାମ୍ରାଜ୍ୟକୁ 

ବିଶ୍ୱାସଘାତକକୁ ବନ୍ଦୀ କରି...... ||

ହୃଦୟରେ ପ୍ରଣୟ ଦୁନ୍ଦୁଭି ବଜେଇ ଦିଅ 

ସଙ୍ଗୀତର ମୂର୍ଚ୍ଛନାରେ ଦିଅ ରଣ ହୁଂକାର, 

ହାତରେ ଗୋଲାପର ଭାଲା ଧରି 

ଆରମ୍ଭ କର ପ୍ରେମ ଯୁଦ୍ଧ..... ||

ତା ହସରେ ଅମୃତର ପବିତ୍ର ଧାରା 

କେତେବେଳେ ବିଷ କଳସ ଭରା 

ତମେ ଅଜ୍ଞାତ,ମୃତ୍ୟୁର ଶେଯ କିମ୍ବା ତୂଳିତଳ୍ପ ଶଯ୍ୟା 

କେତେବେଳେ ହେଇପାର ଗୃହ ବନ୍ଦୀ... ||

ଯୁଦ୍ଧ କ୍ଷେତ୍ରରେ ଆସିପାରେ କଳାହାଣ୍ଡି ମେଘ 

ପ୍ରେମର ଗରମ ଦେହରେ ଥରି ଯାଉ କ୍ଷେତ୍ର 

ଆଖିର ଧନୁରେ ଛାଡିପାରେ ପ୍ରେମ ଶର 

ତମେ ଆହତ, ହେଇପାର ମୂର୍ଛିତ !

ଭ୍ରମର ପ୍ରାୟ କମଳ ମଧ୍ୟରେ ହେଇପାର ଆବଦ୍ଧ 

ପ୍ରେମକୁ କର ସିଦ୍ଧ!

ପ୍ରେମ ଏକ ଯୁଦ୍ଧ..... ||