କିଛି କଥା !
କିଛି କଥା !
ବିତିଗଲା ସାଥୀ ଅନେକ ବର୍ଷ
ତୁମେ ଯେ ଫେରିଲ ନାହିଁ
ଡ଼ିସେମ୍ବର ସରି ଜାନୁୟାରୀ ହେଲା
ସନ୍ଦେସ ଆସିଲା ନାହିଁ.. ||
କଥା ଦେଇଥିଲ ପାରି ହେବାପାଇଁ
ପ୍ରେମ ନୌକାରେ ବସି
ଚାଲିଗଲ ସାଥୀ ସମୟ ସୁଅ ରେ
ସାଙ୍ଗେ ନେଇଗଲ ଖୁସି... ||
ପୁରୁଣା ବର୍ଷର ପୁରୁଣା ସ୍ମୃତି କୁ
କେବେ ଭାଳି ହୁଅ ଯଦି
ମୁଖ୍ୟ ନାୟକ ମୁଁ ଚିତ୍ରରେ ସାଜିବି
ସ୍ମୃତି ଚକ୍ରବ୍ୟୁହ ଭେଦି... ||
ଷଡ଼ ଋତୁ ପରି ତୁମ ପ୍ରେମ ଥିଲା
ବଦଳିଲା କାଳ କ୍ରମେ
ଆଷାଢ଼ ଶ୍ରାବଣ ଦୁଇ ଆଖି ମୋର
ଜାଣିକି ପାରିବ ତୁମେ... ||
ଚନ୍ଦ୍ରମାରେ ଦିଶେ ତୁମ ମୁଖ ସାଥି
ଦିଶେ ଯେ ଛଳନା ଦାଗ
ପ୍ରତାରଣା ବିଷ ଢାଳି ଦେଇ ତୁମେ
ପ୍ରେମ କରିଦେଲ ଭାଗ... ||
ନୂଆ ବରଷରେ ନୂଆ ଆଶା ନେଇ
ଆସିବକି ପ୍ରିୟା ଥରେ
ଫଗୁଣ କୁ ଡାକି ରଙ୍ଗ ମୁଁ ବୋଳିବି
ଭିଜେଇବି ବରଷାରେ... ||