କିନ୍ନର
କିନ୍ନର
1 min
2.8K
ଏକ ଅଧା ଫୁଟା କଢ଼
ଝାପ୍ସା ରଙ୍ଗ, ପରିପକ୍ୱ ହେଇନଥିବା ବାସ୍ନା
ଅନ୍ୟ ଫୁଲ ଭଳି ଭିଜେ
ହସ ଲୁହର କାକର ରେ
କିନ୍ନର !
ଏକ ମୁହଁ ଅନ୍ଧାର ସନ୍ଧ୍ୟା
ସେଠି ଜଳେ,ଆଶା ର ଭିଜା ସଳିତା
କିଛି ଉପେକ୍ଷାର ଆଲୋକ
ଅସମାପ୍ତ ଘଟିନଥିବା ମୁହୂର୍ତ୍ତର
କିନ୍ନର !
ଏକ ଅଧାଗଢ଼ା ଇତିହାସ
ଅସମ୍ପୂର୍ଣ ସ୍ମୃତି,ଉଜ୍ଜୀବିତ କରୁଥିବା ବିଶାଳ ଭବିଷ୍ୟ
ଜର୍ଜରିତ ହେଇଥିବା ଏକ ଜୀବନ
ଆକାଶରେ ମିଶିଥିବା ସ୍ୱର
କିନ୍ନର !
ଏକ ବର୍ଷା ଭିଜା ସକାଳ
ସତେଜ ଉନ୍ମାଦନା,ପ୍ରକୃତି ଓ ଉପାଦାନର ସମ୍ମିଶ୍ରଣ
ଓଦା ପତ୍ର ଭଳି ଶୀତଳ
ଦରଭଙ୍ଗା ମାଟି ଘର
କିନ୍ନର !
ଏକ ରଜ ହୀନ କାମିନୀ
ମମତାମୟୀ ନାରୀ, କର୍ମମୟ ପୁରୁଷର ଆଭାସ
ସେଠି ଶୃଙ୍ଗାରର ଆକର୍ଷଣ
ନିସ୍ତେଜ ହେଇଥିବା ଭ୍ରମର