ହାଇସ୍କୁଲ
ହାଇସ୍କୁଲ
ପୃଥିବୀର ଅକ୍ଷାଂଶ ଦ୍ରାଘିମା ଠୁ
ବିଜ୍ଞାନ ର ଗବେଷଣା ପର୍ଯ୍ୟନ୍ତ
ସାହିତ୍ୟ ର ମାଧୁର୍ଯ୍ୟ ଠାରୁ
ଅତୀତ ର ଇତିହାସ
ଆଉ ପୁଣି ଛିଡ଼ୁନଥିବା ଗଣିତ
ଜୀବନ କିଛି ଏଇ ଭଳି
ହସ ଖୁସି ମଜଗୁଲ
ହାଇସ୍କୁଲ
ଆଗ ବେଞ୍ଚ ଠାରୁ ପଛ ବେଞ୍ଚ ଯାଏଁ
ସ୍କୁଲ କାନ୍ଥ ରେ ପୁଣି ସ୍କୁଲ ଗଛରେ
ଲେଖା ହୁଏ ପ୍ରେମିକା ର ନାଁ
ତାକୁ ମୋତେ ଯୋଡ଼ିଦିଏ
ଗଣିତର ଯୁକ୍ତ ଚି଼ହ୍ନ
ଜୀବନର ମୂଲ୍ୟ ବୁଝେନି ବିଲକୁଲ
ହାଇସ୍କୁଲ
ଚୋର ନହେଇ ବି ଚୋର
ଚୋରି ହୁଏ ପେନ୍ ତ ପେନସିଲ କାହାର
ନଥାଏ ପୋଲିସ କୁ ଡର
ଦୁଷ୍ଟାମୀର ସୀମା ଲଙ୍ଘିଥିବା
ଏକ ସମୟ ଜୁଆର
ଯେଉଁଠି ସଜଡା ହୁଏ ଟିକି ନିଖି ଭୁଲ
ହାଇସ୍କୁଲ
ସକାଳ ପାର୍ଥନା ରେ ଆଧ୍ୟାତ୍ମିକତା
ହୃଦୟରେ ଫୁଲ ଫୁଟେ ସକାରାତ୍ମକତା
ଫୁଲ ଝଡ଼େ ଅପରାହ୍ନ ର ବ୍ୟସ୍ତତା ରେ
ସ୍କୁଲ ଚାରିକାନ୍ଥ ଭିତରେ ବନ୍ଧା ହୃଦୟର ପାଦ
କେବେ ଅମାନିଆ ପ୍ରଜାପତି
ଅପେକ୍ଷା ଥାଏ କାନ୍ଥ ର ବେଲ୍
ହାଇସ୍କୁଲ
ଏମିତି ଏକ ନୌକାର ଯାତ୍ରୀ ସମସ୍ତେ
ସମୟର ସ୍ରୋତରେ ତଥାପି ଅଭୁଲା
ହୃଦୟର ମାନସ ପଟରେ ରଙ୍ଗାୟିତ
ହସ ଖୁସି ଲୁହ ଓ ଦୁଃଖ ର ଚିତ୍ର
ଏ ଗଣିତ ର କେବେ ନୁହେଁ ଅନ୍ତ
ଆଜି ବି ତୁମ ସ୍ମୃତିରେ ବେହାଲ୍
ହାଇସ୍କୁଲ