ପ୍ରବାଦ ପୁରୁଷ

ଉତ୍କଳର ସ୍ୱାଭିମାନ ଜାତିର ଟେକ

ସାହସ ଓ ବୀରତ୍ୱର ଶ୍ରେଷ୍ଠ ସାଧକ ||

ଶାସନର ମନ୍ତ୍ରଦାତା ଜନ ନାୟକ

ଧନ୍ୟ ଧନ୍ୟ ବିଜୁ ବାବୁ ପୂଣ୍ୟ ପ୍ରତୀକ ||

ଖୋଜି ନାହଁ ଜାତି ଧର୍ମ ଭାଷା ମୂଲକ

ମାଟିର ମଣିଷ ଧନ୍ୟ ମାତୃ ସେବକ ||

ଏ ଦେଶର ଗର୍ବ ସଦା ଶୁଭ ଚିନ୍ତକ

ମଣିଷ ଜୀବନ କରିଅଛ ସାର୍ଥକ ||

ଜନତାଙ୍କ ଦୁଃଖେ ଝରୁଥିଲା ଲୋତକ

ଅହରହ ଦେଖୁଥିଲ ସ୍ୱପ୍ନ ଅନେକ ||

କର୍ତ୍ତବ୍ୟରେ କେବେ ହୋଇନାହଁ ବିମୁଖ

ବିକାଶ ପଥର ତୁମେ ଥିଲ ପଥିକ ||

ଆଜୀବନ ସ୍ପଷ୍ଟବାଦୀ ସ୍ୱଚ୍ଛ ନିର୍ଭୀକ 

ଲାଗିନାହିଁ ଦେହେ ଭ୍ରଷ୍ଟାଚାର କଳଙ୍କ ||

ଉନ୍ନତ ବିଚାର ଶିଳ୍ପ ସୃଷ୍ଟି କାରକ

ପ୍ରବାଦ ପୁରୁଷ ଧନ୍ୟ ତୁମ ସନ୍ତକ ||

ଶାନ୍ତି ମୈତ୍ରୀ ସଦ୍ଭାବର ବାର୍ତ୍ତା ପ୍ରେରକ

ଶିକ୍ଷା ଆଉ ସଂସ୍କୃତିର ପ୍ରାଣ ଧାରକ ||

ଉତ୍କଳ ମାତାର ତୁମେ କୁଳ ଦୀପକ

ଧନ୍ୟ ଯୋଗଜନ୍ମା ସର୍ବଜନ ସ୍ମାରକ ||