ପ୍ରାୟଶ୍ଚିତ

ଏକ୍ଳା ଜୀବନରେ 

ଆପଣେଇ ନେଇଥିଲି

ଆପଣାର ବୋଲି

ମୁଠାଏ ପ୍ରେମ 

ପାଇବାର ମୋହରେ

ଜୀବନର

ପ୍ରତି ମୁହୂର୍ତ୍ତରେ 

ଆକର୍ଷିତ ହେଉଥିଲେ

ମୋ ଭିତରେ ଲୁକ୍କାୟିତ

ଅସୁମାରୀ ଅଶାଗୁଡା

ମରୁଭୂମିର

ବାଲି ଶଯ୍ୟାରେ

ଖୋଜି ବୁଲୁଥିଲେ

ଅଜାଣତରେ 

ପାଇବାକୁ ସ୍ନେହ ପ୍ରେମ

ଚିର ପଲ୍ଲବିତ ସମ୍ପର୍କଟିଏ

ହୃଦୟରେ

ଭରିରହିଥିବା ଅନେକ

ଆବେଗ କୁ ଆଉ ଗୋଟେ

ହୃଦୟ ସହ ଯୋଡିବାର

ପ୍ରୟାସରେ 

ଅନେକଥର ବିଫଳ

ଜାଣିଲା ପରେ ବି 

ଆପଣେଇ ନେଇଥିଲା

ମୋ ଦେହରେ ପ୍ରବାହିତ

କେଇବୁନ୍ଦା ଲାଲ ରକ୍ତ.

ବୁଝି ପାରିଲନି

ବୁଝିବାକୁ ଚେଷ୍ଟା ବି କଲନି

ତୁମ ପାଇଁ 

ରାତି ରାତି ଚେଇଁ

ସାଇତି ଥିବା ସ୍ବପ୍ନ.

ଗୋଟିଏ ପାହାଚ

ଚଢୁ ଚଢ଼ୁ

ଠେଲିଦେଲ

ସମ୍ପର୍କର ପରିଧି ଭିତରୁ

ଅପରିଚିତ ମଣିଷଟିଏ ପରି

ଭାବିନେଲି

ଯାହାକୁ ସର୍ବସ୍ବ ଭାବିଲି

ଅଭିନୟ କଲା ମୋ ସହ

ମିଛି ମିଛି ସମ୍ପର୍କ ଗଢିବାର

ଭୁଲ ତ ନ ଥିଲା ତାର

ସବୁ ଭୁଲ ମୋର 

ମୁଁ କରୁଥିବା ବିଶ୍ୱାସର

ନିଜ ଅଶ୍ରୁକୁ

ରୋକି ପାରେନି

ଚାଲି ଆସନ୍ତି ସେମାନେ

ମୋ ସହ ସାମିଲ ହେବାକୁ

ପ୍ରଜ୍ବଳିତ ହୃଦୟାଂଶକୁ

ନୀଳ ଛାତିର ବୁନ୍ଦାବୁନ୍ଦା ଅମୃତରେ

ଧୌତ କରିବାକୁ