ପ୍ରାଣସଙ୍ଗିନୀ

ତମେ ମୋର ପତି   ପରମ ଦେବତା

    ତମେ ମୋ ପରମ ଈଶ୍ବର

ନାହିଁ ପୂଜା ଘର   ମୋ ପାଇଁ ମନ୍ଦିର

      ତମେ ମୋ ହୃଦୟ ଠାକୁର

ପତି ସେବା ବିନା   ନାହିଁ ମୋର ଗତି

      ତମେ ମୋ ସୁଖର ସଂସାର

ଦୁଃଖରେ ଥାଏକି ସୁଖରେ ଥାଏ ମୁଁ

       ମୋ ପାଇଁ ତମେତ ଈଶ୍ବର

ଲାଗେନି କଷଣ  ଦୁଃଖର ବେଦନା

        ପୂଜୁଥାଏ ନିତି ଚରଣ

ଜନ୍ମ ଜନ୍ମାନ୍ତରେ  ତମେ ମୋ ଦେବତା

       ତମ କୋଳେ ମୋର ଶରଣ

ତମ ସେବା ଲାଗି ନେବି ମୁଁ ଜନମ

         ନ ହେଉ କେବେ ମୋ ମରଣ

ଜାଣୁ ଏ ଦୁନିଆ   ତମ ସାଥେ ପ୍ରେମ

       ନ କରୁ ମୋତେ କେ ବାରଣ

ମୋ ହାତରେ ଶଙ୍ଖା   ମଥାର ସିନ୍ଦୁର

        ଦେଲ ପାଟ ମଠା ପିନ୍ଧାଇ

ବଜ୍ର ହେଉ ଶଙ୍ଖା   ମୋ ମଥା ସିନ୍ଦୁର

       ଏତିକି ଗୁହାରି କରଇ

ଅଭାଗିନୀ ବୋଲି   ନ ଲାଗୁ କଳଙ୍କ

       ନ କହୁ ମୋତେ କେ ଦୁଃଖିନୀ

ଯାଉ ଏ ଜୀବନ  ତୁମରି କୋଳରେ

      ମୁଁ ତୁମର ପ୍ରାଣସଙ୍ଗିନୀ