ପଲ୍ଲୀ ଗୀତ

ବାଘ ମାମୁଁର ଜଙ୍ଗଲରେ ଘର

ବିଲେଇ ନାନୀର ଚୁଲି,

ଆ'ରେ ମଇନା ଗଛରେ ବ'ଅ

ଖାଇବାକୁ ଦେବି କୋଳି।

ଟୁପୁରୁ ଟୁପୁରୁ ବରଷା ପଡେ,

ପାଣିରେ ଫୋଟକା କେତେ !!

ଆଖି ପିଛୁଳାକେ ମିଳେଇଯାଏ

ସକାଳେ ତରା ଯେ'ମେତେ।

ଯାଆଲୋ ଫୁଲେଇ କଜଳପାତି

ପଡ଼ିଲା ବରଷାପାଣି,

ବସାରେ ତୋ ଝୁଅ ଛାଡିଚି ରଡ଼ି

ଖାଇବାକୁ ମାଗିଲାଣି।

ଡଗର ଡଗର ଡାହୁକ ଚାଲେ

କିଆରୀରେ ଗୋଳି ପାଣି,

ଟାକୁରୁ ଟାକୁରୁ ବେଙ୍ଗଫୁଲାକୁ

ଗିଳିଦିଏ ବଗ ରାଣୀ।

କାଣ୍ଟିଆ ବଗର କିଏ ମଲାକି !!

ଶୁଖେଇ ବଇଚି ମୁହଁ,

ଆ'ଆରେ ବାବୁନା କାଦୁଅ ହେଲାଣି

ବିଲ ଦି'ପା ରୁଅ।

ବଡ କିଆରୀରେ ବଦଳ ପଡ଼ିଚି

ଡେଇଁଲେଣି ଦଣ୍ଡିକିରୀ,

ବଜା ମୁଗୁରା ତୁ ସଜିଲି କରେ,

ହବ ମାଛ ତରକାରି।

ବଡ ସୁଆଦିଆ କାଙ୍କଣ ଆଣିଚି

କନିକା ଗଡରୁ ବୋହୂ,

ଫେଟା ନୁଗାଟା ମୋ କାଦୁଅ ହେଲା ଲୋ

ତଳି ପଣେ ରୋଉ ରୋଉ।