ପିରତିର ପସରା

ମହରା

ପହେଲା ଘଡେକେ ପଦେ କଥା ତୋର

ମନ ଭିତରେ ଗଢି ନେସି ମୋର

ଖୁସି ପିରତିର

ଗୁଟେ ମନଦିର l

ଆର ଘଡେକେ ପଦେ କଥା ତୋର

ମନ ଭିତରେ ଗୁଲି ନେସି ମୋର

ଡହକ ବିକଲ ମେତାର

ଗୁଟେ ରକମର ବିଷ l

ତୁଇ ଏନତା ପଦେ କଥା କହେଲୁ

ନାଇ ତ ମୁଇ ମନଦିର ଗଢିଛେ

ନାଇ ତ ମୁଇ ବିଷ ଖାଇଛେ

ହେଲେ ପହେଲା ଘଡେକର

ପଦେ କଥାକେ ତୋର ଭାବି ଭାବି

ମନଦିର ଗଢମି ବଲି କରି l

ଧରା କେ ବି କରିଥିଲି ସରା

ହେଲେ ଏତକି ମୁଇ ଠିକ ଚିନହିଛେ

ମହୁ କେନଟା ଆର କେନଟା ମହରା

ସତକେ ସତ କଥା ପଦେ ତାେର

ଆଏତ ପିରତିର ପସରା