କରୋନା ମହାମାରୀ
କରୋନା ମହାମାରୀ
ଆମର ଗାଁ ର ବୁଧୁ ବିଶାଲ
ଗୁଟେବଲି ତାର ତିନ ବର୍ଷିଆ ଝି
ଲାଡେଗେଲେ ଵଢିଛେ ସେ
ଗୁରସେ ଆଚି ଖାଏସି ଘି
ବଢେ କୁରକୁରେ ଖାଇ l
ଦଶଦିନ ହେଲା କାମକମାନି ନେଇ
ବୁଧୁ ଲକଡାଉନ କେ ଘରେ ରହିଛେ ବସି
ଲେଢି ଚଲଲେ ଠୁଡି ଚଲସି
ନାଇଁ ହେଲେ ତାର ଏକାଦଶୀ l
ନରଧି କିନ୍ଧିରି ଛୁଆ
ପାଖକେ ଆଏଲା ଧାଇ
5ଟଙ୍କି ଗୁଟେ ଦିଅ ଗୋ ବାପା
କାଏଲ ଠାନୁ ମୁଇ
କୁରକୁରେ ଗୁଟେ ଖାଇ ନାଇଁ l
ଛୁଆର ମୁହଁକେ ଦେଖି କହେଲା ବୁଧୁ
ଆଇଛେ ରେ ମାଁ କରୋନା ମହାମାରୀ
କୁରକୁରେ କମ୍ପାନୀ ଲକଡାଉନକେ ବନ୍ଧ ଅଛେ
ପଖାଳ ମୁଠେ ଦେବୁ ଯା ତ ଖାଇ l
ଖାଇଲା ପିଇଲା ଛୁଆ କାଏ ମାନ୍ତା
ରେନ୍ଧ କଲା ହରଘଡି
ହାତେ ନାଇଥାଇ ପଏସେ ଅଦଲେ ବଲି
ବୁଧୁ ମନେମନେ ହେଉଥାଏ ହୁଗୁଳି l
ଠିକ ଏନତା ସମିଆକେ ଗାଁ ର ମାରୱାଡ଼ି
ଭିତରିଆ ସାରି କାମ ଚଲେଇ ଥାଏ
ଲକଡାଉନକେ ଛତିଶଗଡନୁ ହେମାଲୀ ଆନି
ତାଂକର ସାଙ୍ଗେ ବସ୍ତା ବୁହି
ଵୁଧୁକେ କରୋନା ଧରଲା ଚପକରି l
କାଢଲା ଗୋଡ଼ ଆର ଘରକେ ନାଇଁ ଘୁଞ୍ଚିଲା
ଛୁଆ କାନ୍ଧୁଛେ ହେକେଇ ହେକେଇ
ବୁଆ ତ ଗଲା ନ ଅଲେହେଟା ଗାଁ
ଆର କେନ ଆଏବା ଫିରି
ଦେଖି ଚାହିଁ ହୁସିଆର ରହ ଭାଇ
ଇଟା ସତକେ ସତ
କରୋନା ଆଏ କି
ଆଏ ସତେ ମହାମାରୀ l