ପିକିନିକି ମଜା

ପିକିନିକି ମଜା ପାଇଁ ସାଜସଜ୍ଜା

   ସଭା ହେଲା ଆୟୋଜନ

ବିଚାର ବିମର୍ଶ ନେଇ ପରାମର୍ଶ

   ଶେଷେ ସ୍ଥିର ହେଲା ସ୍ଥାନ ll

ଯିବା ପାଇଁ ଗାଡି ଭୋଜି ପାଇଁ ହାଣ୍ଡି

    ପ୍ରସ୍ତୁତିର ହେଲା ଶେଷ

ଚିକେନ ଚାଖଣ  ଭୋଜିରେ ମଟନ

    ଭାବି ଭୁଲିଗଲୁ ଶୋଷ ll

ଵୁଲି ଯିବା ଦିନ  ବ୍ୟାକୁଳ ରେ ମନ

     ଶୀଘ୍ର ଶେଷ ନିତ୍ୟକର୍ମ 

ଅତର ମାଖିଣ  ପୋଷାକ ପିନ୍ଧିଣ

     ବାହାରିଲୁ ସାରି କାମ ll

ଗାଡି ଉଇଁଗର  କରିଲା ଉଛୁର

   ଚିନ୍ତାରେ ବୋହିଲା ଝାଳ

ଫୋନ କରି ତାକୁ ଦେଖିଲୁ ଗାଡିକୁ 

    ଆସେ ଗାଡି ମାରି ଫୁଲ ll

ଗାଡ଼ିରେ ଚଢ଼ିଲୁ ଖୁସିରେ କହିଲୁ

     ରସବତୀ ଦେ ଲଗାଇ

ଲାଗିଲା ଭଜନ ପରେ ଆଧୁନିକ

   ରାମଚଣ୍ଡୀ ଆସେ ପାଖେଇ ll

ଝାଉଁ ଗଛ ମୂଳେ ଭୋଜି କଲା ବେଳେ

    ପକଡା ଶୀଘ୍ର କରିଣ 

ଟାଉଁ ଟାଉଁ କରି  ମିଳିମିଶି କରି

    ଖାଇଲୁ ପୁଳେ ଚିକେନ ll

ପରେ ମାଂସ କସା  ଫଟୋ ଉଠା ନିଶା

    ଆଗ୍ରହରେ ହସାହସି

ସାଗର ଦେଖିଲା ନଦୀ ବି ଦେଖିଲା

    ଝାଉଁ ବନ ଦେଖେ ବସି ll

ସେଲ୍ଫି ନେଇ ନେଇ ବାଜିଗଲା ତିନି

   ଖାଇଲୁ ମାଉଁସ ଭାତ

ସୁ ସୁ ହୋଇ କରି  ନାକ ପୋଛିକରି

    ମଜା ଉଠାଇଲା ଖାଦ୍ୟ ll

ଡେରି ଯେ ନ କରି  ତର ତର ହୋଇ

   ଚାଲିଲୁ ଚନ୍ଦର ଭାଗା

ଦରିଆ କୂଳରେ  ଜନଙ୍କ ମେଳରେ

    ସ୍ମୃତିରେ ରହିଲା ଜାଗା ll

ଫେରିଲୁ ଅନ୍ଧାରେ ନାଚିଲୁ ଗୀତରେ

    ଗୀତ ବୋଲି ତାଳି ମାରି 

ପାରିଲୁନି ଜାଣି  ପହଁଞ୍ଚି ଗଲୁଣି

    ଯେଝା ଘରେ ବାଏ କରି ll