ଫୁଲ ଖୋସି ହୋଇ

ଫୁଲ ଖୋସିହେଇ ଫୁଲେଇ

କଥାକହେ ହୋଇ ଗେହ୍ଲେଇ

କଲିଜାକୁ ମୋର ପାଣି କରିଦିଏ 

ପଣତ କାନିକୁ ହଲେଇ 

ଷୋହଳ ଯେବେଲୋ ପୁରିଗଲା ତାକୁ

ଗାଁ ସାରା ଦୁଲୁକିଲା

ନଈରେ ଆସିଲା ଅଦିନିଆ ବଢି

ମଲ୍ଲୀଫୁଲ ମହକିଲା

ତା ମୁକୁଳା କେଶ ମନ ଭୁଲା ବେଶ

ମନକୁ ନିଏ ମୋ ଭୁଲେଇ .

ବେଣୀ ତାର କହେ ପ୍ରିତିର କାହାଣୀ

ଠାଣି ନିଏ ମନ କିଣି

ମନ ହୁଏ ମୋର କାମ ଶର ମାରି

କରନ୍ତି ତାକୁ ମୋ ରାଣୀ

ପିରତି ହାଟରେ ହଟ ଚମକଲୋ

ବାଟ ଦେଉ ନାହିଁ ଚଲେଇ...

ନିଦ ଚୋରି କରେ ଆଖିରୁ ମୋ ନିତି

ସପନରେ ସିଏ ଆସି

ଫୁଲ ପରି ତାର ନରମ ଦେହକୁ

ମୋ ଦେହରେ ଦିଏ ଘଷି

ମନକଥା ମୋର ମନରେ ମରୁଛି

ତା ମନ ପାରୁନି ମୂଲେଇ ...।