ଫମ୍ପା ମାଠିଆ
ଫମ୍ପା ମାଠିଆ
ସ୍ବପ୍ନ ଟିକେ ଦିଅରେ ମୋତେ
ସୁଯୋଗ ଟିକେ ଦିଅ
ଝିଅ ନୁହେଁ ମୁଁ ହେବିରେ ଦିନେ
ତୁମରି ଗେହ୍ଲା ପୁଅ ।
ମା ପେଟରୁ କାହିଁକି ମୋତେ
ଦେଉଛ ତୁମେ ମାରି
ଦିନ ଆସିବ ଝିଅଟେ ପାଇଁ
ହେବରେ ମୁଣ୍ଡ କୋଡ଼ି ।
ମୋତେ କି ଛାଡି ସୃଷ୍ଟି ତୁମର
ହୋଇ ପାରିବ ଗଢା
କିଏସେ ହେବ ଜନନୀ ଭଗ୍ନୀ
ହେବ କେ ତୁମ ଜାୟା ।
ବଗିଚା ଥାଇ ଫୁଲ ନଥିଲେ
ସୁନ୍ଦର କିବା ହେବ
ଝିଅ, ଘରଣୀ ନଥିଲେ ସେତ
ଘରକି ବୋଲାଇବ ।
ନାରୀ ସଶକ୍ତି ନାରୀ ସ୍ୱାଧୀନ
"ଫମ୍ପା ମାଠିଆ "ଶବ୍ଦ
ଦେଉଛି ଯିଏ ସେଇ କରଇ
ନାନା ଆଳରେ ମୋ ଵଧ ।
ଚାହୁଁଛି ମୁହିଁ ସେଇ ସମାଜ
ଯହିଁ ସ୍ୱାଧୀନ ସୂର୍ଯ୍ୟ ଉଏଁ
ଶୋଷଣ ଧର୍ଷଣ ମୁକ୍ତ ଜୀବନ
ଯେଉଁଠି ନାରୀ ପାଏ ।