ଫେରିଛି ଫଗୁଣ
ଫେରିଛି ଫଗୁଣ
ଫେରିଛି ଫଗୁଣ ମୋ ମନ ବନରେ
ପ୍ରେମର ପସରା ଧରି ,
ମନ ଉପବନେ କେତେ ସ୍ବପ୍ନ ଆସେ
ପ୍ରୀତିର ରୋଷଣୀ କରି ।।
ଯାଜାବର ପରି ଘୂରି ବୁଲୁଥିଲା
ମିଳିଗଲା କିଛି ଆଶା ,
ମିଠା ମିଠା ତୁମ ନରମ କଥାରେ
ବାନ୍ଧିଦେଲ ପ୍ରେମ ବସା ।।
ଦିଗ ହରା ମୋର ଏଇ ଦୁଇ ଆଖି
ଖୋଜଇ ତୁମକୁ ସାଥୀ ,
କୁହ କେବେ ହେବ ମନ ର ମିଳନ
ପ୍ରତିକ୍ଷା ରେ ହେବ ଇତି ।।
ମରୁଭୂମି ପରି ଏଇ ମନ ଥିଲା
ନ'ଥିଲା କୁଶ କଅଁଳି ,
ତୁମ ପ୍ରେମ ସ୍ପର୍ଶ ବାରିଷ ଧାରାରେ
ଜୀବନ ଗଲା ବଦଳି ।।
ଛାଇ ଭଳି ତୁମ ସାଥେ ରହିଥିବି
କରିବିନି କେବେ ପର,
ସାରା ଦୁନିଆରେ ଚର୍ଚ୍ଚା ଚାଲିଥିବା
ସମ୍ପର୍କ ଜନ୍ମ ଜନ୍ମ ର ।।
ରାଜା ରାଣୀ ସାଜି ତୋଳୁଥିବା ଆମେ
ପ୍ରେମର ପ୍ରୀତି ନଅର ,
ସୁଖ ସପନରେ ରାତି କାଟୁଥିବା
ନ ଲାଗୁ କାହା ନଜର ।।
ତୁମ ବାଟ ଚାହିଁ କରିଛି ଅପେକ୍ଷା
ପ୍ରେମର ନଅର ତୋଳି,
ତୁମ ଆଗମନେ ଫୁଲ ବରଷିବ
ଜୀବନ ଯିବ ବଦଳି ।।