ପାପ ଏବେ ଅସହାୟ

ତୁମେ ଦେଇଥିବା

ସେଇ ଅସହାୟତା କୁ

ମୁଁ ଆଖି ତଳେ ଅତି ଯତ୍ନ ରେ 

ସାଇତି ରଖିଛି ।

ମୁଁ ଦେଇଥିବା କିଛି ପାପ କୁ

ମୁହଁ ର ବହଳ ପ୍ରଲେପ ତଳେ

ଲୁଚେଇବାକୁ ଯାଇ ତୁମେ

ପ୍ରଦର୍ଶନ କରୁଛ ପ୍ରତିଦିନ ।

ଆଖିର ଲୁହ ରେ ଇତିହାସ

କିଏ ଲେଖିବ ଏଯାଏ ତ

ବିତର୍କ ଚାଲିଛି ତୁମ ମୋ ଭିତରେ ।

ଚାଲ ଏବେ ସମୟ କୁ ପଦାଘାତ କରି

ନୂଆ ଏକ ପାପ ର ସନ୍ଧାନ କରିବା

ଜୀବନ ର ସମସ୍ତ ହସ ଖୁସି

ସମାଧିସ୍ଥ ହେବା ପୂର୍ବରୁ

ମୋ ଆଗରେ ତୁମେ

ତୁମ ଆଗରେ ମୁଁ

ସବୁତକ ଅକୁହା କଥାର 

ପେଡି ଖୋଲିଦେବା ।

କିଛି ପାପ ତୁମେ ନେବ

କିଛି ପାପ ମୁଁ ନେବି

ଆଉ କମ୍ ବେଶୀ ର ହିସାବ କରିବାନି

ତୁମେ ବି କହିବନି ସବୁ ପାପ 

ତୁମେ ନେବ ବୋଲି ।

ତା ପରେ କଣ ହେବ କିଏ ଜାଣେ

ହୁଏତ ତୁମ ବାଟରେ ତୁମେ

ମୋ ବାଟରେ ମୁଁ

ଆଖି ଟେକି କେହି କାହାକୁ ଚାହିଁବାନି

କେମିତି ହୁଅନ୍ତା କହିଲ ?