ପାଦ

ଆଜି ମୋ ଝିଅ ପ୍ରଥମ କରି

ତାର କୁନି କୁନି ପାଦରେ ଚାଲୁଛି,

କେତେ ସୁନ୍ଦର ସେହି ମୁହୂର୍ତ୍ତ

ମୋ ଜୀବନରେ ଖୁସି ଭରିଦେଇଛି l 

କେବେ ଚାଲୁ ଚାଲୁ ଝୁଣ୍ଟି ପଡୁଛି

କାନ୍ଦି,କାନ୍ଦି ମାଆ, ମାଆ ଡାକୁଛି,

କେବେ ନିଜେ ତାର କୁନିପାଦରେ

ଛିଡାହେଇ ପାଖକୁ ମୋ ଆସୁଛି l 

ତାକୁ ଦେଖି ମୋ ପରିବାର ଲୋକ 

ତା ପାଖକୁ ଧାଇଁ ଆସୁଛନ୍ତି,

ଛମ, ଛମ ତାର ପାଦର ପାଉଁଜି

ଆ ମୋ ଧନ ପାଖକୁ ଡାକୁଛନ୍ତି l 

କଥା କାହାର ମାନୁନି ମୋ ଗେଲି 

ଏକା ଏକା ଯାଉଛି ଚାଲି,

କିଏ ତାକୁ ସ୍ନେହରେ ଧରିପକେଇଲେ

ଭୂଇଁରେ କାନ୍ଦି ଗଡୁଛି ଖାଲି l 

ଆହା କି ସୁନ୍ଦର ସେହି ପ୍ରତ୍ୟେକ ସମୟ

ଚାଲି ତାର କୁନି କୁନି ପାଦର,

ସମସ୍ତଙ୍କ ମନ କିଣି ନେଇ

ପରିବାରକୁ ମୋ କରିଛି ନିଜର l