ଓଡିଶା ପ୍ରସିଦ୍ଧ

ଓଡିଶା ରାଇଜେ ଘର ମୋର ଅଟେ

ଯା' ନାମ ଥିଲା କଳିଙ୍ଗ,

ଏଇ ଓଡିଶାର ଐତିହ୍ୟକୁ କେହି

କରି ପାରି ନାହିଁ ଭଙ୍ଗ ।

ଜଗନ୍ନାଥ ଧାମ ପୁରୀ ବିଶ୍ବେ ଖ୍ଯାତ

ଶଙ୍ଖ କ୍ଷେତ୍ରେ ପରିଚିତ,

ମନ୍ଦିର ମାଳିନୀ ରାଜଧାନୀ ଆମ

ଏକାମ୍ର ନାମେ ବିଦିତ ।

ବାରବାଟୀ ଦୁର୍ଗ କଟକେ ପ୍ରସିଦ୍ଧ

ଅଟେ ପୁରାତନ କୀର୍ତ୍ତି,

କାକଟପୁରରେ ମଙ୍ଗଳା ମନ୍ଦିର

ଧଉଳିରେ ବୌଦ୍ଧ ମୂର୍ତ୍ତି ।

ଖଣ୍ଡଗିରି ଗୁମ୍ଫା ଜୈନ ସ୍ତୁପ ପୁଣି

କୋଣାର୍କ ସୂର୍ଯ୍ୟ ମନ୍ଦିର,

ଅର୍କକ୍ଷେତ୍ର ନାମେ କୋଣାର୍କ ବିଦିତ

ଗଦାକ୍ଷେତ୍ର ଯାଜପୁର ।

ଉଦୟଗିରିର ହାତୀ ଗୁମ୍ଫା ଠାରେ

ଖାରବେଳଙ୍କ ସ୍ଥାପତ୍ଯ,

ଏକାମ୍ର କ୍ଷେତ୍ରର ଲିଙ୍ଗରାଜ ବାବା

ହୋଇଥାନ୍ତି ଆଧିପତ୍ୟ ।

ସମ୍ବଲପୁରରେ ଭରି ରହିଅଛି

କଳା ସ୍ଥାପତ୍ଯର ଖଣି ,

ଚିଲିକାର ନୀଳ ଜଳରାଶି ଦେଖି

ମନ ଲାଖିଯାଏ ପୁଣି ।

ଖୋର୍ଦ୍ଧାର ପାଇକ ଯୋଦ୍ଧା ମାନେ ପୁଣି

ରଖିଲେ କଳିଙ୍ଗ ଯଶ ,

ଆମ ଐତିହ୍ୟର ସମ କେହି ନୁହେଁ

ବିଦିତ ଏ ସାରା ବିଶ୍ବ ।