ଓଡିଶା ମୋ ଜନ୍ମଭୂମି

କେହି ନୁହଁ ଆମ ଜନ୍ମଭୂମି ପରି

ସୁନ୍ଦର ଆମରି ଭାଷା

ସବୁରି ଜାଗାରେ ପ୍ରୟୋଗ କରିବା

ଆମ ନିଜ ମାତୃଭାଷା ।

ଏଇ ଓଡିଶା ରେ ଜନମ ମୋହର

ଜନ୍ମଭୂମି ମୋର ମାଆ

ସବୁଜ ସୁନ୍ଦର ପରିବେଶ ତାର

କେତେ ସୁନ୍ଦର ମୋ ଗାଁ ।

ଜନ୍ମଭୂମି ଆମ ଅଟଇ ମହାନ

ରଖିବା ତାହାର ମାନ

ତାହାର ମହତ୍ୱ ବୃଦ୍ଧି କରିବାକୁ

ବଢାଇବା ନିଜ ଜ୍ଞାନ ।

ଏଇ ମୋ ମାଟିରେ ବିରାଜିତ ପ୍ରଭୁ

ଜଗନ୍ନାଥ ଚକାଡୋଳା

ବିପଦେ ଆପଦେ ସେହି ଏକା ଆମ

ହୋଇଥାନ୍ତି ପରା ଲୋଡା ।

କେତେ କେତେ ବୀର ଲୋଟି ଯାଇଛନ୍ତି

ଏଇ ଜନ୍ମଭୂମି ତଳେ

ସେମାନଙ୍କ ସ୍ମୃତି ମନେପଡେ ଆଜି

କେଉଁ ଦିନୁ କେଉଁ କାଳେ ।

ସବୁରି ମନରେ ହରଷ ଦେବାକୁ

ସଭିଙ୍କୁ ଦେବା ସାହସ

ଓଡିଶା ମାଟିର ଗୌରବ ରଖିବା

ମନରେ ଧରି ବିଶ୍ୱାସ ।

ଝର ଝର ହୋଇ ବହିଯାଏ ନଦୀ

ଏଇ ଜନ୍ମଭୂମି ତୀରେ

ସଭିଙ୍କର ପଥ ବିଲୀନ ହୁଅଇ

ନୀଳ ଦରିଆରେ ।