ନାରୀ ରୂପୀ ନାରାୟଣୀ
ନାରୀ ରୂପୀ ନାରାୟଣୀ
ଜନନୀ ରୂପରେ ଧରାକୁ ଆସିଲୁ
ନାରୀ ରୂପୀ ନାରାୟଣୀ
ଧର୍ମର ମଣ୍ଡିତ ସଂସାର ପୁରୀରେ
ତୁ ହିଁ ଏକା ଜଗତ କାରିଣୀ ।
ସତ୍ୟ ଧର୍ମ ନ୍ୟାୟ ତୋହରି ଗର୍ଭରୁ
ଜାତ ଏ ମାନବ ଜାତି
ଜନ୍ମଧାତ୍ରୀ ତୁହିଁ ଜଗତ ଜନନୀ
କେତେଯେ ତୋହର କୀର୍ତ୍ତି ।
ନାରୀ ଏଟେ ମାତା ଭଗିନୀ ଦୁହିତା
ଆଦ୍ୟ ଶକ୍ତି ସ୍ୱରୂପିଣୀ
ଅନନ୍ତ ବ୍ରହ୍ମାଣ୍ଡ ତୋହରି ସନ୍ତାନ
ତୁହିଁ ମା ଜଗତ ରାଣୀ ।
ଅନ୍ତର ତୁମର କେତେଯେ ପବିତ୍ର
ପାପକୁ ବିନାଶ କର
ମା ତୁମେ ନାରୀ ବରେଣ୍ୟା ବନ୍ଦିତା
ସୃଷ୍ଟିର ସମ୍ଭାର ତାର ।
ଅନ୍ତରେ ତୋହର ଅମାପ ଶକତି
ସେନେହ ଅଜସ୍ର ପୁଣି
ସୃଷ୍ଟିର ଆରମ୍ଭ ଶକ୍ତିର ଭଣ୍ଡାର
ନାରୀ ରୂପୀ ନାରାୟଣୀ ।।