ନନ୍ଦିଘୋଷ
ନନ୍ଦିଘୋଷ
1 min
581
ନନ୍ଦିଘୋଷେ ତୁମେ ବିରାଜିତ ପ୍ରଭୁ
ଦାରୁର ଦେବତା ପୂଣ୍ୟ
ନବ ଯୌବନେ ଦରଶନ ଦେଲ
ଜଗତ ହୋଇଲା ଧନ୍ୟ ...
କାହିଁ କେତେ ଦିନୁ ଚାହିଁ ମୁଁ ରହିଛି
ରଥ ମୁଁ ଟାଣିବା ପାଇଁ
ପ୍ରଭୁ ନିରାକାର ବ୍ରହ୍ମାଣ୍ଡ ସୁନ୍ଦର
ଆଶା ମୋ ଭାଙ୍ଗିବ ନାହିଁ ...
ନନ୍ଦିଘୋଷେ ଆସ ଥିରି ଥିରି ହୋଇ
ବଡଦାଣ୍ଡେ ଟେକି ନେତ
ଭକତ ମନରେ ହରଷ ଦେବାକୁ
ଢାଳିଦିଅ ତୁମ ଚିତ୍ତ ...
ଭାଇ ଭଉଣୀଙ୍କୁ ସାଙ୍ଗରେ ଘେନି
ଚାଲୁଥାଅ ଥିରି ଥିରି
ସଭିଏଁ ତୁମକୁ ନିରେଖି ଦେଖନ୍ତି
ନୟନରେ ଭରି ଭରି ...
ପତିତପାବନ ବାନା ଉଡାଉଛ
ଉଡୁଥାଏ ଫର ଫର
ବଡଦାଣ୍ଡେ ଆଜି ତୁମ ନନ୍ଦିଘୋଷ
ଦିଶେ କେଡେ ମନୋହର ...
ନଅ ଦିନ ରହି ଗୁଣ୍ଡିଚା ମନ୍ଦିରେ
ଶ୍ରୀମନ୍ଦିର ମନେ ପଡେ
ସଅଳ ଫେରଇ ତର ତର ହୋଇ
ବାହୁଡଇ ଅବେଳରେ ... |