ଓଡିଆ ଗାଳି

 ପରଘର ଭଙ୍ଗା ନିନ୍ଦୁକ ସହିତ ପିଣ୍ଡାଓଲୁ ମିଶି କିଛି,

ପରଛିଦ୍ର ଖୋଜି ତାଳି ମାରୁଥିବେ କ୍ଷୀରିରେ ପକେଇ ମାଛି |

ମିଛୁଆ ମାଡୁଆ ଚୋର ଦଗାଦିଆ ବଦମାସ ପାଞ୍ଚଭାଇ,

ନିଲଠା ଠକକୁ ଲାଜ କି ସରମ ଅପମାନ କାଟେନାହିଁ |

ଭଣ୍ଡକଥା କୁହା ହୀନସ୍ତାକୁ ଯଦି ବିଶ୍ୱାସ କରିବ କିଏ,

କରଜ ଖିଆକୁ ଉଧାର ଦିଏ ଯେ ଅସଲ ଭକୁଆ ସିଏ |

କପଟ ଗୁଣଟି ଫିସାଦିଆ ପାଶେ ତାକୁ ତ ଦୂରୁ ଜୁହାର,

ଗାଲୁଆ କହିବ ସବୁ ମୁଁ କରିଛି କେବେ ନୁହେଁ ସେ କାହାର |

ଅଳସୁଆ ପାଇଁ ଓଜନିଆଁ କାମ ଠାପୁଆକୁ ଦେଲେ ଭାର,

କାମଚୋର ପାଇଁ କିଛି କାମନାହିଁ ହେବ ତାକୁ ଭାଲୁଜର |

ଭିକାରିକୁ ଡାକି ଜ୍ଞାନଦାନ କଲେ ମଦୁଆକୁ ଦେଲେ କାମ,

ଗଞ୍ଜଡ଼କୁ ଯିଏ ଘର ଜଗେଇବ ଜାଣ ତା' କରମ ବାମ |