ଓଡ଼ିଆ ଭାଷୀଙ୍କୁ ନେଇ ଉତ୍କଳ

ଓଡିଶାକୁ ନେଇ ଉତ୍କଳ ନୂହେଟି

  ବିଚ୍ଛନ୍ନାଚଳ ଭି ସଙ୍ଗେ,

ହୋଇଛି ବିଚ୍ଛନ୍ନା ଭୂମି ଉତ୍କଳରୁ

  ଅଟେ ଅନ୍ୟ ରାଜ୍ୟ ସଙ୍ଗେ ।

କାନ୍ଦନ୍ତି ଓଡ଼ିଆ କଷ୍ଟରେ ଅଛନ୍ତି

   ଉତ୍କଳ ଦାୟିତ୍ୱ ସବୁ,

ଓଡିଶା ଦେଇଛି ଅନ୍ୟ ହିଁ ରାଜ୍ୟକୁ

   ଅଟନ୍ତି ଓଡ଼ିଆ ସବୁ ।

ବଞ୍ଚିତ ଶିକ୍ଷାରୁ ହୁଅନ୍ତି ସେମାନେ

   ଓଡିଆର ଶିକ୍ଷା ନାହିଁ

ନାହାନ୍ତି ଶିକ୍ଷକ ନମିଳେଟି ବହି

   ମାତୃଭାଷା ଶିକ୍ଷା ନାହିଁ ।

ଓଡିଶା ରାଜ୍ୟର କର୍ତ୍ତବ୍ୟ ହିଁ ଏବେ

   ବିଚ୍ଛନ୍ନା ଭୂମିର ପାଇଁ,

କିପରି ମିଳିବ ଶିକ୍ଷା ଓଡ଼ିଆ ରେ

   କର୍ତ୍ତବ୍ୟ ଟି ତାହା ପାଇଁ ।

ଆନ୍ଦୋଳନ ହେଲା ଶିକ୍ଷାର ନିମନ୍ତେ

   ବିଚ୍ଛନ୍ନାଚଳରେ ଭାଇ,

ଗୁଞ୍ଜନ କରିଲା ଓଡିଶା ରାଜ୍ୟରେ

   କରିବେ ନିଦାନ ଭାଇ ।

ଟିଭି ଚେନେଲରୁ ବୁଦ୍ଧିଜୀବୀଙ୍କର

  ଆଲୋଚନା ହେଲା ଜରେ୍

ଶିକ୍ଷାମନ୍ତ୍ରୀ ତହୁଁ ଲେଖିଲେଟି ଚିଟ୍ଠି

  ଝାଡ଼ଖଣ୍ଡ ସରକାରେ୍ ।

କେନ୍ଦ୍ର ଶିକ୍ଷାମନ୍ତ୍ରୀ ଲେଖିଲେଟି ପତ୍ର

  ଝାଡ଼ଖଣ୍ଡ ଆମ ରାଜ୍ୟେ,

ତାର ଫଳାଫଳ ଜଣା ଗଲା ନାହିଁ

  ଚିନ୍ତିତ ଓଡ଼ିଆ ରାଜ୍ୟେ ।

ବହି କି ମିଳିବ ଝାଡ଼ଖଣ୍ଡ ରାଜ୍ୟେ

  ସ୍ବୀକାର କଲା କି ରାଜ୍ୟ?

ଓଡ଼ିଆ ଶିକ୍ଷକ ଦେବ କି ସ୍କୁଲେ?

  ହୋଇଲା କି ଶୁଭକାର୍ଯ୍ୟ ।

ନପାରନ୍ତି ଜାଣି ଓଡ଼ିଆ ଏଠାରେ

   ରୋଦନ ଶୁଭୁଛି ଜରେ୍ ,

ଆନ୍ଦୋଳନ ଏବେ ସ୍ଥିର ହୋଇ ଅଛି

   ଚିନ୍ତିତ କରୁଛି ଜରେ୍ ।

ଅଧିକାର ଆମ ମାତୃଭାଷା ଶିକ୍ଷା

   ସମ୍ବିଧାନେ ଅଧିକାର,

ଲଜ୍ୟ ଲାଗୁ ଅଛି କହିବାକୁ ଅନ୍ୟେ

   ଶୀଘ୍ର ହେଉ ପ୍ରତିକାର ।

ଝାଡ଼ଖଣ୍ଡ ରାଜ୍ୟ ମୁଖ୍ୟମନ୍ତ୍ରୀ ସଙ୍ଗେ

   ଭେଟି ଥିଲେ ବୁଦ୍ଧିଜୀବୀ,

ଓଡ଼ିଆ ସମସ୍ୟା ଦୂର କି ହୋଇଲା

   ନକହିଲେ ବୁଦ୍ଧିଜୀବୀ ।

ନିରବତା ତାଙ୍କ ଚିନ୍ତିତ କରୁଛି

   ଶୁଭ ସମାଚାର ନାହିଁ,

ପ୍ରତିକ୍ରିୟା ନାହିଁ ନିରବତା କିମ୍ପା

  କରୁଛି ଚିନ୍ତିତ ତହିଁ ।

ଓଡିଶାକୁ ନେଇ ଉତ୍କଳ ନୂହେଟି

   ବିଚ୍ଛନ୍ନାଚଳ ଭି ସଙ୍ଗେ,

ହୋଇଛି ବିଚ୍ଛନ୍ନା ଭୂମି ଉତ୍କଳରୁ

   ଅଟେ ଅନ୍ୟ ରାଜ୍ୟ ସଙ୍ଗେ ।