ଓଡ଼ିଆ ଭାଷା

କ୍ରନ୍ଦନ କରୁଛି ମାତୃଭୂମି ମୋର

ଝରାଇ ନେତରୁ ଲୁହ

ଅଯୋଗ୍ୟ ସନ୍ତାନ ଭୁଲିଛି ମାଆକୁ

ଝରାଇ ମାଆର କୋହ |

କହିବା ଭୁଲିଲା ନିଜ ମାତୃଭାଷା 

ଉଚ୍ଚାରି ବିଦେଶୀ ଭାଷା

ଛାଡିଦେଲା ନିଜ ପୁଣ୍ୟ ମାତୃଭୂମି

କରିଣ ସହରେ ବସା |

ଛୋଟଥିବା ବେଳେ କହୁଥିଲା ଯିଏ

ବାପା ମାଆ ଭାଇ ଭଉଣୀ

ଶିକ୍ଷିତ ହୋଇଣ ଆଜି ସେ ଗାଉଛି

ବିଦେଶୀ ଭାଷାର ବାଣୀ |

ସଭ୍ୟତା ସଂସ୍କୃତି ଜାତୀୟ ସଂହତି

ମିଶୁଛି ମାଟିରେ ଆଜି

କିଏ ବା କରୁଛି ଭାଗବତ ପାଠ

ସବୁ ତ ହେଲାଣି ବାଜି |

ହୁଅ ଗ୍ରାମନ୍ତର ହୁଅ ଦେଶାନ୍ତର

(କିନ୍ତୁ) ଭାଷାନ୍ତର ହେବନାହିଁ

ଯେଉଁଠାରେ ଥାଅ ଯାହା କରୁଥାଅ

ମାତୃଭାଷା ଭୁଲନାହିଁ |

ମାତୃଭାଷା ଆମ ମାତରି ସମାନ

ଓଡ଼ିଆ ଆମରି ଭାଷା

କହିବା ଓଡ଼ିଆ ରହିବା ବଢିଆ

ମନେରଖି ମାତୃଭାଷା ||