ନିର୍ବାଚନ ନିଆଁ

ନିର୍ବାଚନ ନିଆଁ

ନିର୍ବାଚନ ନିଆଁ ସବୁଠି ଲାଗିଛି

ଗାଁ ଠୁ ସହର ଜଳେ

ଘର ଘର ବୁଲି ନେତା,ଚାମଚା

ନିଆଁରେ ଘିଅ ଢାଳେ ।

ହତାଯୋଡା ବେଶ ଦେଖିଥା ଭାଇରେ

ମିଳିବନି ଆଉ କେବେ

ସେବକ ସାଜନ୍ତି ନିର୍ବାଚନ ଯାଏ

ଜିତିଗଲେ ରାଜା ରାଣୀ ହୋଇଯିବେ

ହୁକୁମ କରିବେ ସିଂହାସନେ ବସି

ଜନତାଙ୍କୁ ଧୂଆଁ ଦେବେ ।

ନାଲି ପାଣି ଏଠି ବୁଷ୍ଟର ଡୋଜ

ସକାଳେ ସଞ୍ଜରେ ମିଳେ

ଦୟାବନ୍ତ ଏମିତି ସାଜନ୍ତି

ସତେ ଦାନବୀର ହରିଶ୍ଚନ୍ଦ୍ରଙ୍କୁ ପଛରେ ପକାଇଦେବେ ।

ନୋଟ୍ ପଛରେ ଭୋଟ ଦୌଡେ

ବିକାଶ ମାରଇ ଡ଼ିଆଁ

ଗାଁ ରାସ୍ତା ସବୁ ଗୋହିରି ହେଲାଣି

ତଥାପି ହେଜୁନୁ କିଆଁ ।

ଗୋଟାଏ ଦିନର ଚାନ୍ଦିନୀ ରାତିରେ

ଅନ୍ଧାର ଯିବନି ଭାଇ

ହୁଅନି ଉନ୍ମତ୍ତ ତୁହି

ପାଞ୍ଚ ବର୍ଷ ଯାଏ ବୋବାଳି ଛାଡ଼ିବୁ

ପରତେ ନଜିବେ କେହି ।