ଲାଇବ୍ରେରୀ
ପ୍ରୋଫାଇଲ୍
ନିଜେତ ନିଜକୁ ଭିଜାଇଲ
ନିଜେତ ନିଜକୁ ଭିଜାଇଲ
1 min
247
ନିଜେତ ନିଜକୁ ତୁମେ ଭିଜାଇଲ
ତୁମ ଭକତଙ୍କୁ ତୁମେ କନ୍ଦାଇଲ
ନିଳଚକ୍ର ତୁମ ହୋଇଗଲା ଶୂନ୍ୟ
ଝଡତୋଫାନରେ ପତିତପାବନ
ବାନାକୁ ଚକ୍ରରୁ ଛିଣ୍ଡାଇଲ
କୁହ କାହିଁକି ଏମିତି କଲ?
ଓଠୁ ଆମ ହସ ପୋଛିନେଲ ....
ଛପର ଉଡିଲା କାନ୍ଥ ପଡିଗଲା
ଚାଷ ଉଜୁଡିଲା ବେପାର ବୁଡିଲା
ମିଳିଲାନି ପାଣି ଟୋପାଏ ତୋରାଣି
ତତଲା ଲୁହରେ ଭସାଇଲ
ପୁଣି ତତଲା ବାଲିରେ ବସାଇଲ
କୁହ କାହିଁକି ଏମିତି କଲ?
ଓଠୁ ଆମ ହସ ପୋଛି ନେଲ ..
ଧନୀ ବି କାନ୍ଦିଲା ଗରିବ କାନ୍ଦିଲା
ଅଭିମାନ କରି ତୁମକୁ ନିନ୍ଦିଲା
ତୁମ ପରି ପ୍ରଭୁ ଥାଉଥାଉ ତୁମେ
ଭକତ ଅଣ୍ଟାକୁ ଭାଙ୍ଗିଦେଲ
ପ୍ରଭୁ ସଳଖିବା ପାଇଁ ଦିଅ ବଳ
ନଲେ ଥରହର ହେବ ଜଳସ୍ଥଳ
ସଳଖିବା ପାଇଁ ଦିଅ ବଳ ....
