ନୀରବ ଝଡ
ନୀରବ ଝଡ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଇତିହାସ ଏବେ ଖୋଜୁଖେଜୁ ମୋର
ପୃଷ୍ଠା ସବୁ ହସୁଛନ୍ତି
ହିସାବ ଖାତାରେ ଅଛିଣ୍ଡା ଅଙ୍କମୋ
କୋହ ସବୁ ମାପୁଛନ୍ତି ।
ବୟସ କରୁଛି ବାଦମୋତେ ଏବେ
ନୀରବତା ଅବସାଦ
ମାନ ଅଭିମାନ ନୀରବ ଝଡରେ
ଆଖିରୁ ହଜୁଛି ନିଦ ।
ଝଡ ବହେ ପୁଣି ଝଡ ଛାଡିଯାଏ
କ୍ଷଣିକ ଯାତନା ଦେଇ
ନୀରବ ଝଡର ବେଗରେ ଲଗାମ
ସମୟ ହାତରେ ନାହିଁ ।
ମନ କମ୍ପେନାହିଁ ହୃଦୟେ କମ୍ପନ
ନିଶବ୍ଦ ନୀରବ ଝଡେ
ବହଳ ରାତିରେ ଅନ୍ଧାର ଛାତିରେ
ନିଶ୍ବାସ ର ବେଗ ବଢେ ।
ଖାଲଖମା ଭରା ଜୀବନ ରାସ୍ତାର
ଠିକଣା ସରିବାଯାଏ
ମନର ଝଡ ଏ ନୀରବ ଝଡ ତ
ସାଥୀ ହୋଇ ବହୁଥାଏ ।
ସହଜରେ ଯିଏ ସହି ଯାଏ ସିଏ
ଜିତିପାରେ ସମୟକୁ
ଲାଭକ୍ଷତିକୁ ସେ ହିସାବ ନକରି
ଭଲପାଏ ଜୀବନକୁ ।