ନଗରେଷୁ ଦିଲ୍ଲୀ

କଥାଟିଏ ଅଛି ଭାଇ ପୁଷ୍ପ ମଧ୍ୟେ ମଲ୍ଲି

ନଗରମଧ୍ୟରେ ରାଣୀ ନଗରେଷୁ ଦିଲ୍ଲୀ l

ପୁରାଣେ ପ୍ରସିଦ୍ଧ ନଦୀ ଯମୁନା ଜାହ୍ନବୀ

କାଳୁଁ କାଳ ବହୁଅଛି ଯାର ପାଦ ସେବି l

ମହାଭାରତେ ବିଖ୍ୟାତ ଇନ୍ଦ୍ରପ୍ରସ୍ଥ ନାମ

ଦୁଃଶାକୁ ଗଡ଼ାଇ ମାରେ ମହାବଳି ଭିମ l

ହସ୍ତୀ ପ୍ରତିଷ୍ଠିତ ରାଜ୍ୟ ନାମ ତା ହସ୍ତୀନା

ପୁରାଣରେ କଥା ଅଛି ହସ୍ତୀନା ବାରୁଣା l

ପାଶେ ରାଜେ କରନାଲ କର୍ଣ୍ଣ ରାଜଧାନୀ

କୁରୁକ୍ଷେତ୍ର ଶୁଣାଇଲେ କୃଷ୍ଣ ଗୀତାବାଣୀ l

ପୁରାଣେ ବିଖ୍ୟାତ ଯୁଧିଷ୍ଠିର ଧର୍ମ ରାଜ

ଇନ୍ଦ୍ରପ୍ରସ୍ଥେ ଚକ୍ରବର୍ତ୍ତୀ ଯାହା ଦିଲ୍ଲୀ ଆଜ l

ଇତିହାସ ମୂକସାକ୍ଷୀ ପାଶେ ପାନିପଥ

ଯହିଁ ବହିଥିଲା କେତେ ବୀରଙ୍କର ରକ୍ତ l

ବିଶ୍ୱାସ ଘାତକ ଜୟ ଚନ୍ଦ୍ରର କାହାଣୀ

ପୃଥ୍ୱୀରାଜ ହରଣ ସେ ସଂଯୁକ୍ତା ରମଣୀ l

ମୁରୁଖ ନରର କେତେ ନାରକୀୟ ଲୀଳା

ଆମ ଦିଲ୍ଲୀ ରହିରହି କେତେ ନଦେଖିଲା l

ଗ୍ରୀକ,ହୁନ,ଆଫଗାନ,ମୋଗଲ,ପଠାଣ

ଦିଲ୍ଲୀ କରି ଗଲେ ସସ୍ରେ ବରଷ ଲୁଣ୍ଠନ l

ବ୍ରିଟିଶେ ବସିଲେ ପୁଣି ସିଂହାସନ ମାଡ଼ି

ଗଲେ ପୁଣି କାଳେ ନିଜ ଦେଶକୁ ବାହୁଡ଼ି l

ଆମ କୋହିନୁର ହୀରା ଶିଖି ସିଂହାସନ

ସେ ଲୁଣ୍ଠନ କାହାଣୀର ବଳିଷ୍ଠ ପ୍ରମାଣ l

ବୀରରକ୍ତେ ସିକ୍ତ ଲାଲ ଆମ ଦିଲ୍ଲୀ ମାଟି

ଲାଲ କିଲ୍ଲା ଆମ ଦିଲ୍ଲୀ ଗଉରବ ଘାଟି l

ନୂଆ ଦିଲ୍ଲୀ ଭାରତର ନବ ରାଜଧାନୀ

କାହାଣୀର ଗନ୍ତାଘର ଭୁବନର ରାଣୀ l

ସବୁଠାରୁ ବଡ଼ ବିଶ୍ୱେ ଆମ ପ୍ରଜାତନ୍ତ୍ର

ସଗର୍ବେ ବିରାଜିଅଛି ଆମ ପାର୍ଲିମେଣ୍ଟ l

ରାଷ୍ଟ୍ରପତିଙ୍କ ନିବାସ ହିଲ ରାଇସିଣା

ସୁପ୍ରିମକୋର୍ଟ ଆମର ବିଶ୍ୱେ ଜଣାଶୁଣା l

ଐତିହାସିକ ନଗରୀ ଆମ ରାଜଧାନୀ

ପ୍ରଣାମ ଜଣାଏ ଦୁରୁ ଲୋ ନଗରରାଣୀ l