ନାରୀ
ନାରୀ
ରାତିର ମୁଦ୍ରିତ ଆଖିଟା
ନ ଦେଖିଲା ଭଳି ଦେଖି ଯାଉଥିଲା
ଗୋଟେ ନିରୀହ ନାରୀ ଜୀବନର ବ୍ୟଭିଚାର
ଆଉ ତା ପରେ...
ଆଖିକୁ ଖୋଲା ରଖି ଫେରି ଆସିଥିବା ଦିନ
ଦେଖାଉଥିଲା ଅତ୍ୟାଚାରର କରୁଣା ଚିତ୍ର ।
ଲୁହରେ ଭିଜି ଭିଜି ଆଖିଟା ଲାଲ ଦିଶୁଥିଲା
କିଛି ବୁଝାଇବାକୁ ପଡୁ ନଥିଲା
କହିପାରୁ ନଥିବା କଥା ଦୃଶ୍ୟାୟିତ ହେଲା
ଆଉ ତା ପରେ...
ସୁରକ୍ଷାର ରାଜନୀତିରେ ଯୁଦ୍ଧ ଲଢ଼ି ଲଢ଼ି
ଶରୀର ତ ଠିକ୍ ହେଇ ଯାଉଥିଲା ହେଲେ,
ଲଜ୍ମାରେ ମାନସିକ ଯନ୍ତ୍ରଣା ଭରି ହେଉଥିଲା ।
ଲୋଭ ଆଖିଟା ଦେହରେ ପଡ଼ି
ଚରିତ୍ରକୁ ଅସଜଡା଼ କରି ସଜାଉଥିଲା
ଗୋଟେ କଳଙ୍କିତ ଘଟଣାର ବିଭିନ୍ନ ବର୍ଣ୍ଣନା
ଆଉ ତା ପରେ...
ଇଜ୍ଜତର ମୂଳ୍ୟକୁ ନିକିତିର ଗୋଟିଏ ପଟେ ବସାଇ
ଜଣେ ନାରୀର ଭାଗ୍ୟ-କର୍ମକୁ ପ୍ରଶ୍ନ କରୁଥିଲା
ଅନ୍ୟ ଜଣେ ନକାରାତ୍ମକ ଭାବନାର ଜଳ୍ହାଦ ।