ନାହିଁ ନାହିଁର ଜୀବନ ମୋର

ପାଉଁଜି ଶବଦ ଋଣ ଝୁଣ ହୋଇ

ବାଜୁ ନାହିଁ ମୋ କାନରେ,

ରୁମ୍ ଝୁମ୍ ସେହି ଚୁଡ଼ିର ଶବଦ

ଶୁଣେ ନାହିଁ ମୁହିଁ ଘରେ।

ଟୋପା ଟୋପା ହୋଇ ଜଳ ବିନ୍ଦୁ

ପଡୁନି ମୁକୁଳା କେଶୁ,

ଆଜି ଯାଏଁ ପରା ରମଣୀ ମୋର

ଫେରିନି ଆଫେରା ଦେଶୁ।

ଗଭାର ଗଜରା ଦିଶୁନାହିଁ କାହିଁ

ବାସ ସିନା ମହକୁଛି,

ନୟନେ ଗଜରା ଦେଖିବା ପାଇଁ

ମୋ ମନଟା ଝୁରୁ ଅଛି।

ଯୌବନର ଉଛୁଳା ପ୍ରେମ ତାଙ୍କ

ମନରେ ରହିଛି ଛପି,

ମିଳୁନାହିଁ କାହିଁ ଏହି ସବୁ ଆଉ

ଅଟେ ପରା ମହା ପାପୀ।

ନାହିଁ ନାହିଁ ର ଜୀବନ ବିତାଉଛି

ଏକାକୀ ପଥିକ ହୋଇ,

ଜୀବନ ପଥଟା ସରିବ କିପରି

ସାହାସ ମୋ ପାଉ ନାହିଁ।