ମୂଲ୍ୟ

ସିଧାକଥା -୧୮ 

ଯେତେ ଯାହା ଚିଜ ଅଲୋଡ଼ା ଅଖୋଜା ମୂଲ ତା' ଅମୂଲ ମୂଲ,

ମଦ କି ଗଂଜେଇ ପାନ ବିଡ଼ି ଛାଡ଼ି ରହିପାରେ ଜଣେ ଭଲ ।

ତାକୁ ବିକେ ଯିଏ କୋଟିପତି ହୁଏ ଆଇନ ତା' ପାଇଁ ନାହିଁ,

ଦୁଃଖ ଅଭାବରେ ପଡ଼ିଲେ ବି ଲୋକେ କିଣିବାକୁ ହାଇଁପାଇଁ ।

ଅତି ଦରକାରୀ ଚାଉଳ ଗହମ କ୍ଷୀର ପାଣି ଆଉ ଲୁଣ,

ତାକୁ ଯେ ଅମଳ କରେ ସେ ବିଚରା ଲେଖେ ଗରିବରେ ନାମ ।

ତା'ପାଇଁ ଆଇନ କାନୁନ ବହୁତ ଥାନାରେ ହାଜତ ଖୋଲା,

ଦାନାଦିଏ ଯିଏ ହୀନିମାନ ହୁଏ ସଭିଙ୍କର ସିଏ ଶଳା ।

ଦେଶକୁ ଯେ ଲୁଟେ ବିଦେଶରେ ବିକେ ଆମରି ଇଜ୍ଜତ ମାନ,

ସେହିଲୋକ ପୁଣି ନାମୀ ଦାମୀହୋଇ ପାଏ ଉଚ୍ଚ ସନମାନ । 

ଦେଶପାଇଁ ଯିଏ ସୀମାକୁ ଜଗିଛି ଲଗାଇ ଜୀବନ ବାଜି,

ଦେଶକୁ ଗଢୁଛି ଯେଉଁ ଶ୍ରମିକଟି ଗରିବ ରହିଛି ଆଜି ।