ମୁଠାଏ ମୁହୁର୍ତ

ଫେରାଇ ଦେବକି

ମୋର ସେହି ମୁଠାଏ ମୁହୁର୍ତ

ଯାହା ତୁମ ସହ ଯାଇଛି ବିତି

ଫେରାଇ ପାରିବ ମୋର ସ୍ନେହ ପ୍ରୀତି

ଆଉ ସ୍ୱପ୍ନ ଭିଜା ରାତି

ମୁହୁର୍ତ ର ମୂଲ୍ୟ 

କେହି ବୁଝୁ ବା ନ ବୁଝୁ

ଭାବିଥିଲି ଅନ୍ତତଃ ତୁମେ ଠିକ୍ ବୁଝିବ

ମୋ ହାତରେ ତୁମ ହାତ ଥୋଇ

ବାକି ଜୀବନଟା ପାଇଁ

ମୋର ଭଲ ବନ୍ଧୁଟିଏ ହୋଇ ରହିବ ।

ହେଲେ ସ୍ୱପ୍ନ ସରିଗଲା

ବିଶ୍ୱାସ ଭାଙ୍ଗିଗଲା ,

ତୁମେ ହାତ ଛାଡିଦେଲ

ଜୀବନର ଦୋ ଛକିରେ

ଏଠି ମୁହୁର୍ତ ର ମାନେ କିଛି ନାହିଁ

ସମ୍ପର୍କ ଏଠି ହଜି ଯାଏ

ଧନ ଆଉ ଅଭିମାନ ଆଗରେ।

ତୁଛ ଏଠି ସମ୍ପର୍କ ର ମୂଲ୍ୟ

ନା'ତୁମେ କୃଷ୍ଣ

ନା'ମୁଁ ସୁଦାମା ଯେ

ତୁମେ ମୋତେ ଫରାଇ ଦେବ

ମୋର ମୁଠାଏ ମୁହୁର୍ତ ର ମାନ

ଦେଖ ବନ୍ଧୁ....

ଏବେବି ମୁଁ ଛିଡ଼ା ହୋଇଛି

ଆକ୍ତା ମାକ୍ତା ହୋଇ ସେଇ ସ୍ୱପ୍ନିଳ ମୁହୁର୍ତ ସହ

ପାରୁଛ ତ ଥରୁଟିଏ କହିଦିଅ

ମୁଁ' ଅଛି ଆଉ ଆମ ମୁଠାଏ ମୁହୁର୍ତ ବି ଅଛି

ଖାଲି ଯାହା ଫାଟ ପଡି ଯାଇଛି

ଭୁଲ ବୁଝା ବଣାର

କିଛି ଭୁଲ ଗଣିତ ରେ....