ମୁଁ ତୋର ମା' ତୁ ମୋର ଝିଅ
ମୁଁ ତୋର ମା' ତୁ ମୋର ଝିଅ
ମୋ ଜୀବନର ଏକ ଅଂଶ ତୁ
ମୋ ହୃଦୟର ସ୍ପନ୍ଦନ ତୁ
ମୋ ରକ୍ତରୁ ସୃଷ୍ଟି ତୁ
କାହିଁକି ନା...
ମୁଁ ମା' ତୁ ମୋର ଝିଅ।
ମୋ ଦାୟିତ୍ଵର ପରିବେଷ୍ଟନୀ ତୁ
ମୋ ମାତୃତ୍ଵର ଯଥାର୍ଥତା ତୁ
ମୋ ସଂସ୍କାରର ମହତ୍ତ୍ଵ ତୁ
କାହିଁକି ନା...
ମୁଁ ମା' ତୁ ମୋର ଝିଅ।
ମୋ ସ୍ଵାଭିମାନ ତୁ
ମୋ ଆତ୍ମାର ଅସ୍ତିତ୍ଵ ତୁ
ମୋ ସେନେହ ପସରା ତୁ
କାହିଁକି ନା...
ମୁଁ ମା'ତୁ ମୋର ଝିଅ।
ନା ଥିଲା ଅନୁଶୋଚନା
ନା ଥିଲା ଅଭିମାନ
ନା ଥିଲା ଅବଶୋଶ
ନା ଥିଲା ଅନୁତାପ
ଯେବେ ତୁ ଆସିଲୁ ଏ ଜୀବନରେ
କାହିଁକି ନା ମୁଁ ତୋର ମା'
ତୁ ମୋର ଝିଅ।।