ମୁଁ ସମୟ

     

ବନ୍ଧା ନୁହେଁ ମୁଁ କାହାର ପଣତରେ

ରହେ ନାହିଁ କେବେ କାହା ଆୟତରେ ll

ବିଚାର ନାହିଁ ମୋ ଭଲ ମନ୍ଦ କିଛି

ଭାବେନି ଆପଣା ପର ବୋଲି କିଛି ll

ସୁଖରେ ଯେମିତି ଦୁଃଖରେ ସେମିତି 

ରହିଥିଲି ରହିଥିବି ମୁଁ ସେମିତି ll

ଭାବନ୍ତି ଅନେକ ମୋତେ ସ୍ୱାର୍ଥପର

ହୋଇନି ହେବିନି ବଶ ମୁଁ କାହାର ll

ବେଳେ ବେଳେ ପାଏ ଅନେକ ପ୍ରଶଂସା

କରୁଥାନ୍ତି ଲୋକେ ବେଳେ ବେଳେ ହିଂସା ll

ମୁଁ ଚାଲିଗଲେ ସେ ହୁଏ ଛାଟି ପିଟି

ଆଉ କିଏ କୁହେ ଯିବ ଭାଗ୍ୟ ଫିଟି ll

ଦିଅନ୍ତିନି ଦୋଷ ମୋତେ କେହି ସିଧା

କୁହନ୍ତି କପାଳେ ଲେଖିଛି ବିଧାତା ll