ଲାଇବ୍ରେରୀ
ପ୍ରୋଫାଇଲ୍
ମୁଁ କେବଳ ମୁଁ ରହିବି
ମୁଁ କେବଳ ମୁଁ ରହିବି
ମୁଁ କେବେ ରାଧା ହେବିନି
ମୋ ପ୍ରମରେ ମୋ ସ୍ୱାମୀ ଙ୍କର
ଆଉ ଏକ ଋକ୍ମଣୀ ରହିବ
ନାମକୁ ମାତ୍ର ମୋ ନାମ
ପତିସହ ଯୋଡା ହୋଇଥିବ
ମୁଁ କେବେ ସୀତା ବି ହେବିନି
ନିଜ ସତୀତ୍ୱର ପ୍ରମାଣ ପାଇଁ
ଅଗ୍ନି ରେ ଚାଲିବି
ପ୍ରମାଣ ଦେବା ଆଗରୁ
ମୁଁ ତାଙ୍କୁ ଛାଡି ଦେଇ ଏକାକୀ ଚାଲିବି
ମୁଁ କେବଳ ମୁଁ ରହିବି
ମୁଁ କେବେ ମୀରା ବି ହେବିନି
ଏକ ମୂର୍ତ୍ତି ର ମୋହରେ ,
ଆତ୍ମୀୟଙ୍କୁ ଭୂଲିଯାଇ
ହାତରେ ତାନପୁରା ଧରି
ସାଧୁଙ୍କ ସାଥୀରେ ଚାଲିବି
ମୁଁ କେବଳ ମୁଁ ହିଁ ରହିବି
ଯଶୋଧାରା ବି ହେବିନି
ଛାଡି କରି ଯେ ଚାଲିଗଲା
କର୍ତ୍ତବ୍ୟ ସବୁ ଭୁଲିଗଲା
ଜ୍ଞାନର ଲୋଭରେ ,
ଏପରି ସ୍ୱାମୀ ପାଇଁ ମୁଁ କାହିଁକି
ମିଛଟାରେ ପତିବ୍ରତା ହେବି
ମୁଁ କେବଳ ମୁଁ ରହିବି
ଉର୍ମୀଳା ବି ହେବିନାହିଁ
ଯେଉଁ ସ୍ୱାମୀ ର ସ୍ତ୍ରୀ ପ୍ରତି କର୍ତ୍ତବ୍ୟ ନାହିଁ
ଭାତୃପ୍ରେମେ ଅନ୍ଧ ହୋଇ
ଛାଡିଯାଏ ବର୍ଷ ବର୍ଷ ପାଇଁ
ତାଙ୍କ ପାଇଁ ମୁଁ କାହିଁକି ଅପେକ୍ଷା କରିବି
ମୁଁ କେବଳ ମୁଁ ହିଁ ରହିବି
ଗାନ୍ଧାରୀ ବି ହେବିନାହିଁ
ନେତ୍ରହୀନ ସ୍ୱାମୀ ପାଇଁ
ଆଖିରେ ଅନ୍ଧ ପୁଟୁଳି ବାନ୍ଧି ବି ,
ବରଂ ନିଜେ ଦେଖି ମୋ ନେତ୍ରରେ
ସ୍ୱାମୀ ଙ୍କୁ ମୋ ଦୁନିଆ ଦେଖାଇବି
ମୁଁ କେବଳ ମୁଁ ହିଁ ରହିବି
ମୁଁ କେବଳ ତାଙ୍କ ସହ ଜୀଇଁବି
ଯିଏ ମୋତେ ହୃଦୟରୁ ଭଲପାଏ
ନା'ତା ଆଦେଶ ମାନିବି
ନା'ତାର ନିର୍ଜାତନା ସହି ପତିପ୍ରାଣା ହୋଇ
ଜୀବନ ନାଶିବି ,,
ମୁଁ କେବଳ ମୋର କର୍ତ୍ତବ୍ୟ କରିବି
ଦୁନିଆର ବଡ ଦାଣ୍ଡରେ
ଏକାଚାଲି ନିଜେ ନିଜର ପରିଚୟ ସୃଷ୍ଟି କରିବି
ମୁଁ କେବଳ ମୁଁ ହୋଇ ରହିବି
