ଲାଇବ୍ରେରୀ
ପ୍ରୋଫାଇଲ୍
ମୋ କଳାବଦନ
ମୋ କଳାବଦନ
1 min
365
ଦେଖିବାକୁ ମନ ହୁଏ ମୋ ଉଛନ୍ନ
ନିତି ତୋ କଳାବଦନ,
ସକାଳରୁ ସଞ୍ଜ ବାଇଶି ପାହାଚେ
ଗଡି ଯିବାକୁ ମୋ ମନ।
ଆହେ ମୋ କଳାବଦନ।
ତୋ ବଡ଼ ଦାଣ୍ଡରେ ଦଣ୍ଡେ ଠିଆହୋଇ
ନୀଳଚକ୍ରେ ଦେଖୁଥିବି,
ସାତ ଜନମର ପାପୁ ମୋକ୍ଷହୋଇ
ତୋ ଶ୍ରୀପଦେ ଲୀନ ହେବି,
ତୋ ସିଂହ ଦୁଆରୁ ଚତୁର୍ଦ୍ଧା ମୂରତୀ
ଦେଖୁଥିବି ଜନାର୍ଦ୍ଦନ।
ଆହେ ମୋ କଳାବଦନ।
ଆନନ୍ଦ ବଜାରେ ଶ୍ରୀମହାପ୍ରସାଦ
ଭୁଞ୍ଜିବାକୁ ମନ ଚାହେଁ,
ଟଙ୍କତୋରାଣିରୁ ପେଟେ ପିଇ ନିଶ୍ଚିନ୍ତେ
ଶୋଇବାକୁ ଇଚ୍ଛା ହୁଏ,
ତୋ ସ୍ଵର୍ଗଦୁଆରେ ଜଳିଯାଉ ଚିତା
ଏ ଇଚ୍ଛା କର ପୂରଣ।
ଆହେ ମୋ କଳାବଦନ।
ଦେଖିବାକୁ ମନ ହୁଏ ମୋ ଉଛନ୍ନ
ଆହେ ମୋ କଳାବଦନ।
