ମୋ ଚିଠି
ମୋ ଚିଠି
ରକେଟରେ ଯାଇ ଚନ୍ଦ୍ରରେ ଘର
କରିବାକୁ ମନକଲି
ମଙ୍ଗଳ ଗ୍ରହରେ ଘର ହେବ ଭାବି
ଅତି ଆନନ୍ଦିତ ହେଲି l
ବିଜ୍ଞାନ ଯୁଗର ସନ୍ତାନ ବୋଲି
ଅତି ଗର୍ବେ କହିଲି
ମହାଜ୍ଞାନୀ ବୋଲି ପରିଚୟ ଦେଇ
ଧରାକୁ ସରା ମଣିଲି l
ପରିବେଶ ସହ ଖେଳ ଖେଳିବାରୁ
ପ୍ରକୃତି ତାଣ୍ଡବ ରଚିଲା
କରୋନା କବଳେ କବଳିତ କରି
ଉପାୟ ଶୂନ୍ୟ କଲା l
ରକେଟ ବନାଇ ସାଙ୍ଗସାଥୀ ସହ
ଖେଳି ଜମା ହେଉନାହିଁ
ଘର ଭିତରେ ମୋ ଟିକି ରକେଟ
ଆକାଶରେ ଉଡୁନାହିଁ l
ଘର ଝରକାରୁ ଆକାଶ ମାର୍ଗକୁ
ରକେଟ ପଠାଇଲି
ଈଶ୍ୱର ଚରଣେ ପ୍ରଣାମ କରି
ଶିର ମୁଁ ନୁଆଁଇଲି l
ହେ ବିଶ୍ୱ ବିଧାତା କ୍ଷମା କର ବୋଲି
ବାର୍ତ୍ତା ମୁଁ ପଠାଇଲି
କରୋନା କବଳୁ ବିଶ୍ୱକୁ ଉଦ୍ଧାରି
ରକ୍ଷାକର ଲେଖିଲି l
ରାଗ ହିଂସା ଇର୍ଷା ଦୂର କରିଦେଇ
ପ୍ରେମକୁ ବାଣ୍ଟିଦିଅ
ଶୀତଳ ଯୁଦ୍ଧ ଜମା ହେବନି
ବିଶ୍ୱରେ ଶାନ୍ତିଦିଅ l