ମୋ ଭାରତ

ଭାରତ ମୋର ଜନମ ଭୂଇଁ

ଏଭଳି ଦେଶ ଜଗତେ ନାହିଁ

ନାହିଁରେ ନାହିଁ କେଉଁଠି ନାହିଁ l

ତାହାରି କୋଳେ ଜନମ ନେଇ

ଦେଶର ଟେକ ରଖିବା ପାଇଁ

ଦେବି ଜୀବନ ଡରିବି ନାହିଁ l

ଜାତି ଧର୍ମରେ ନାହିଁ ବିଭେଦ

ଆମ ଭିତରେ ନାହିଁ ପ୍ରଭେଦ

ସ୍ନେହ ପ୍ରେମରେ ଆମେ ଆବଦ୍ଧ l

ଧର୍ମ ସଂସ୍କୃତି ପରମ୍ପରାରେ

ରହିଛି ଖ୍ୟାତି ସାରା ବିଶ୍ୱରେ

ଧର୍ମ ସନାତନ ମୂଳ ମନ୍ତ୍ରରେ l

ଶସ୍ୟ ଶ୍ୟାମଳା କ୍ଷେତରେ ଭରା

ତା ସବୁଜିମା ଦୁଃଖ ପାସୋରା

ବହେ ପବିତ୍ର ଗଙ୍ଗାର ଧାରା l

ପିନ୍ଧୁ ପୋଷାକ ନାନା ଢଙ୍ଗରେ

ଆମର ଖାଦ୍ୟ ଆମ ରୁଚିରେ

ଏମିତି ଦେଶ ନାହିଁ ନାହିଁରେ l

ଦେଶୁଁ ବିଦେଶୀ ଗଲେ ବାହାରି

ଆମେ ଚଳାଉ ଦେଶ ଆମରି

ଆମ ନାଆର ଆମେ ନାଉରି l

ଆମ ସୈନିକ ଲଢୁଆ ଵୀର

ଦେଶ ସୁରକ୍ଷା କାମ ତାଙ୍କର

ତେଣୁ କାହାକୁ ନାହିଁରେ ଡର l