ଲାଇବ୍ରେରୀ
ପ୍ରୋଫାଇଲ୍
ମୋ ବାପା
ମୋ ବାପା
1 min
134
ଉପରେ ରାଗନ୍ତି ଗାଳିବି ଦିଅନ୍ତି
ଭିତରେ ପାଆନ୍ତି ଭଲ
ତାଙ୍କ ସେହ୍ନ ତାଙ୍କ ଶ୍ରଦ୍ଧା ଆଶୀର୍ବାଦ
ମୋ ପାଇଁ ଅମୂଲ ମୂଲ
ମୋ' ବାପା... ମୋ ଦିଅଁ ଦେବତାଙ୍କ ତୁଲ... II
ହାତ ଧରି ମୋତେ ଚାଲି ଶିଖାଇଲେ
ଦେଖାଇଲେ ଭଲ ବାଟ
ଭଲ ମଣିଷ ମୁଁ ହେବାପାଇଁ ସିଏ
ସହିଛନ୍ତି କେତେ କଷ୍ଟ
ତାଙ୍କ ପାଇଁ ମୋର ଏ ଜୀବନ ସଦା
ଆଲୋକରେ ଝଲମଲ
ମୋ' ବାପା... ମୋ ଦିଅଁ ଦେବତାଙ୍କ ତୁଲ... II
ତାଙ୍କ ପାଦ ଧୂଳି ମଥାରେ ମୁଁ ବୋଳି
ସବୁଠି ପାରୁଛି ଜିତି
ବାପା.. ଥିଲେ ପାଖେ ଝଡ଼ ତୋଫାନକୁ
ନଥାଏ ମୋ ତିଳେ ଭିତି
ତାଙ୍କରି ଆଶିଷେ ଜଣାପଡେ ନାହିଁ
ଚଲାପଥେ ଖମାଖାଲ
ମୋ' ବାପା... ମୋ ଦିଅଁ ଦେବତାଙ୍କ ତୁଲ... II
ବାୟୁ ହୋଇ ବାପା ନିଶ୍ୱାସରେ ମୋର
ବିଶ୍ୱାସ ଦିଅନ୍ତି ଭରି
ପାଣି ହୋଇ ମୋର ଶିରା ପ୍ରଶିରାରେ
ବୁହନ୍ତି ରକତ ପରି
ମୋ' ମଥାରେ ବାପା ହାତ ବୋଳି ଦେଲେ
କଣ୍ଟା ବି ପାଲଟେ ଫୁଲ
ମୋ' ବାପା... ମୋ ଦିଅଁ ଦେବତାଙ୍କ ତୁଲ... II
