ମୋ' ପିଲାବେଳ
ମୋ' ପିଲାବେଳ
ମୋ' ବାଳୁତ କାଳର ଧୂଳିଘର
ନିଜଠୁ ବେଶି ସେ ଆପଣାର... I
ସବୁଜିମା ଭରା ବୃକ୍ଷଲତା
ଯାହା ସହ ହେଇଛି ମୁଁ କେତେ କଥା...
ବରଷା ବେଳର ସେ ଶୀତଳ ପବନ
ସାରୁ ବୁଦା ମୂଳରୁ ଶୁଭେ ବେଙ୍ଗୁଲିର ଗର୍ଜନ... I
କେତେ ଯେ କାଗଜ ଡ଼ଙ୍ଗା କରିଛି ତିଆରି
ବରଷା ବେଳରେ ଭସେଇଛି ମନ ଭରି... I
ଶୀତୁଆ ପ୍ରଭାତେ ସବୁ ପିଲା ମେଳ ହୋଇ
ଦାଣ୍ଡ ପହଁରିବାକୁ ଯାଉ ଆଗେଇ ଆଗେଇ... I
ରଜ, କୁମାରପୂର୍ଣ୍ଣିମା ଯେବେ ହେଉଥିଲା
ଆମ ପାଇଁ ଖୁସିର ବାରତା ଆଣୁଥିଲା... I
ଫଗୁ ଦଶମୀ, କଥା ମନେ ପଡ଼ିଯାଏ
ରଙ୍ଗ ଖେଳରେ ସତେ ଦିନ ବିତିଯାଏ... I
ଗାଇ ଗୋଠରୁ ଲେଉଟାଣି ଯାଏ
ଗାଁ ଦାଣ୍ଡରେ କ୍ରୀଡା ଚାଲିଥାଏ... I
ପାହାଡ଼ କୋଳରେ ବହିଯାଏ ଛୋଟ ନଈ
ବଣଭୋଜି କରୁ ସବୁ ସାଙ୍ଗ ମେଳହୋଇ... I
ଆଜି ଅଛି ଗାଁ' ହେଲେ ନାହିଁ ସେହିଦିନ
ଗାଁ' କୁ ଦେଖିଲେ ମୁଁ' ଖୋଜେ ମୋର ପିଲାଦିନ... I
ଆଜି ନାହିଁ ଅଜାଙ୍କର ସେହି ମିଠା ଗାଳି
ଦେହରୁ ଝାଡ଼ି ଦିଅନ୍ତି କେତେ ବାଲି ଧୂଳି... I
ଆମ୍ବ ଠୁ, ତେନ୍ତୁଳି ଯାଏଁ କେତେ ଯେ ଆଚାର
ଲୁଚି ଲୁଚି ଖାଇଛି ମୁଁ ' ଯେ ବାରମ୍ବାର... I
ନୟନୁ ବହିଯାଏ ମିଠା ଲୁହଧାର
ପ୍ରତି ମୁହୂର୍ତ୍ତ ରେ ତାକୁ ଖୋଜେ ବାରମ୍ବାର... II