ମାତୃଭାଷା : ଓଡ଼ିଆ
ମାତୃଭାଷା : ଓଡ଼ିଆ
ମୁଁ ଓଡ଼ିଆ ମୋ' ଭାଷା ଓଡ଼ିଆ
ଅତି ସରଳ ଓ ଅତି ମଧୁର
ଭାଷା ମଧ୍ୟରେ ଯେ ଅଟଇ ସାର
ମହାନ ଅଟଇ ନାମଟି ତା'ର I
ମାଆ କୋଳେ ଯେବେ ଜନମ ହେଲି
କୁଆଁ କୁଆଁ ହୋଇ ରାବ ଛାଡ଼ିଲି
ଏ ମାଟି ପବନ ପରଶ ପାଇ
ଧୀରେ ଧୀରେ ମୁଁ ଚାଲି ଶିଖିଲି I
ଓଡ଼ିଆ ମାଟିର ଓଡ଼ିଆ ଭାଷା
ପୂର୍ଣ୍ଣ କରିଦିଏ ସବୁ ଭରସା
ସୁପ୍ରାଚୀନ ଆଉ ସୁଲଳିତ ସେ
ମହାନ ଅଟେ ମୋ' ମାତୃଭାଷା I
ମୁଖରେ କଣ୍ଠରେ ମୋ ମାତୃଭାଷା
ମନର ଭାବନା ପ୍ରକାଶ କଲି
ସଭିଙ୍କ ମନକୁ ହରିବା ପାଇଁ
ମଧୁର ବଚନେ ଭାଷା କହିଲି I
କେତେ ଯେ କବି ପୁଣି ଗାଳ୍ପିକ
ରଚନା କରିଲେ ଗୀତ ନାଟକ
ଚମ୍ପୁ ଚଉପଦୀ କାବ୍ୟ ମହାକାବ୍ୟ
ବର୍ଣ୍ଣନା କରିଲେ ମହାନାୟକ I
ପଞ୍ଚସଖା କବି ଲେଖିଲେ ପୁରାଣ
ଦେଇ ଛାନ୍ଦ ଆଉ ଅଳଙ୍କାର ମାନ
ସାରଳା ଦାସଙ୍କ ମହାଭାରତ
ସମୃଦ୍ଧ ହୋଇଲା ଭାଷାର ପୁଣ I
ମୋ' ଭାଷାରେ ଥାଏ କେତେ ମହକ
ସୁଉନ୍ନତ ଆଉ ଲାଗେ ଅମୃତ
ଡାଡି ମମ୍ମି ଶବ୍ଦ ବିଦେଶୀ ଭାଷା
ଆଦର ନଥାଏ ସେହି ଭାଷା ତ I
ଉଚ୍ଚ ହେବା ପାଇଁ କର ଯେ ମନ
ଉଚ୍ଚ କର ଆଗେ ଭାଷାକୁ ପୁଣ
ମୋ ଭାଷା ସବୁଠାରୁ ମହାନ
ରଖିବାରେ ଆମେ ତା'ର ସମ୍ମାନ I