ମଙ୍ଗଳମୟୀ

ମଙ୍ଗଳମୟୀ ମାଆ ମନ୍ଦାରମୟୀ ମା

  ମାନସିକ ମୟୀ ମାଆ.

ସିନ୍ଦୂରମୟୀ ମାଆ କରୁଣାମୟୀ ମାଆ

  କରୁଣାର ବହେ ବାଆ.

ତୁହି ମୋ ତାରିଣୀ ମାଆ

  ତୁହି ମୋ ତାରିଣୀ ମାଆ. l0l

ଏ ଜୀବନେ ତୋତେ ଡାକି ଡାକି କେତେ

  ପାଇଛି ପରଶ ତୋର.

ସମର୍ପି ଦେଇଛି ପାଦ ତଳେ ତୋର

  ଏ ପାପ ଜୀବନ ମୋର.

ତୁହି ମୋର ସାହା ମାଆଲୋ ଯୋଗମାୟା

  ତୋ ବିନା ମୁଁ ଏକୁଟିଆ. l1l

ଆର ଜନମକୁ ସେବା କରିବାକୁ

  ଦାସୀରେ ଦେବୁ ଜନମ.

ନିତି ତୋର ସେବା କରୁଥିବି ଅବା

  ଭାବେ ହଜାଇ ପରାଣ.

ତୋ ବେଢାରେ ଥିବି ନିତି ଦେଖୁଥିବି

  ହାତେ ସଜେଇକି ମାଆ. l2l