ମଙ୍ଗଳମୟୀ ମାଆ ମଙ୍ଗଳା

ମଙ୍ଗଳମୟୀ ମାଆ ମଙ୍ଗଳା ଲୋ

 ଚରଣେ କୋଟି ପ୍ରଣତି

ତୋ ଆଶ୍ରିତ ଜନେ କରୁଣା କରିବୁ

  ଦେବୁ ଗତି ମୁକ୍ତି ଭକ୍ତି

ତୋର ଦୟା ରେ ମାଆ

  ମିଳିବ ଅପାର ଶାନ୍ତି।

ଶଙ୍କର ଘରଣୀ ଦକ୍ଷ ର ଦୁଲଣି

 ବିନୟକଙ୍କ ଜନନୀ

ସନ୍ତାନ ବତ୍ସଳା ତୁହି ମାଆ ମଙ୍ଗଳା

  ତୁ ପରା ବିଘ୍ନ ନାସିନି

ବୁଡିବାର ଭେଳା କୂଳେ ଲଗାଉ ମାଆ

  ଜୟ ଜୟ ମାଆ ଭବାନୀ।

ଖୁଲଣା ସୁନ୍ଦରୀ ଖୋଲା ହୃଦୟ ରେ

  ପୂଜିଲା ଚରଣ ତୋର

ସଙ୍କଟ ନାଶିଲୁ ମାନ ଉଦ୍ଧାରିଲୁ

  ଏମିତି ମହିମା ତୋର

ଜୟ ମାଆ ମଙ୍ଗଳା ଏମନ୍ତ ତୋ ଲୀଳା

  ବର୍ଣ୍ଣୀ ନୁହଁଇ ମୁଖର।

ସାଧବ ଦୁଲଣୀ ତଅପୋଇ ବାଳୀ

  ଥିଲା ଅତି ନିରୀମାଖି

ସାତ ଭାଇରେ ସେ ଗୋଟିଏ ଭଉଣୀ

 ପିତାମାତା ମନଲାଖି

ଦୁଃସହକଷଣ କଲୁ ନିବାରଣ

  ତାହାର ଭକତି ରଖି।

ନାଲି ମନ୍ଦାର ରେ ସରଧା ତୋହର

  ମଙ୍ଗଳ ବାର ତୋ ପ୍ରିୟ

ଧୂପ ଦୀପ ଦେଇ ପୂଜିଲେ ମାଆ ତତେ

 ହେଉ ତୋ ଭକ୍ତେ ସଦୟ

ତୋ କରୁଣା କେବେ ଝରିବ ମୋ ଶିରେ

ଚାହିଁଛି ତୋର ଏ ପୁଅ।।

ମଙ୍ଗଳା ମାଆ ର ଜୟ।

ମଙ୍ଗଳା ମାଆ ର ଜୟ,,,