ମନ ଚାହେଁ ମନ
ମନ ଚାହେଁ ମନ
ଭ୍ରମର ଘୁର୍ଣ୍ଣନ ପାଖୁଡା ପରି
ମନ ଚାହେଁ ମନ ତୋର
ଗ୍ରୀଷ୍ମେ ସାୟନ୍ତନେ ରଜନୀଗନ୍ଧା
ସମ ବାସେ କେଶ ତୋର |
ତୁଷାର୍ତ୍ତ ଶ୍ଵାନ ନୀର ଖୋଜେ ପରି
ଓଠ ଚାହେଁ ଓଠ ତୋର
ପ୍ରିୟତମା ମୋ ଏକାନ୍ତ ଜୀବନେ
ଫେରି ଆସ ଗୋ ଏଥର |
ଅମୃତ ଅନୁଭବେ ମନ ଭ୍ରମେ
ପ୍ରେମ ଚାହେଁ ପ୍ରେମ ତୋର
ପ୍ରେମ କିରଣେ ସୁନେଲି ରଙ୍ଗରେ
ଧୂଳି ରେ ଆଂକେ ନାଁ ତୋର |
ପାଉଁଜି ଇଂଗିତେ ଜୋସ୍ନା ଆଲୋକେ
ସ୍ପର୍ଶ ଚାହେଁ ସ୍ପର୍ଶ ତୋର
ଲାସ୍ୟମୟୀ ସହସ୍ର ଭାବ ଚାହେଁ
ସେ କାଉଁରୀ ପରଷର |
ଗୋଲାପୀ ଓଠ ତୋ ଲାଜୁଆ ଆଖି
ଆଖି ଚାହେଁ ଆଖି ତୋର
ହସିରେ ତୁମ ଗହନେ ନାଚଇ
ପୁଷ୍ପ ଶାଶ୍ୱତ ପ୍ରେମର |
ଅସଜଡ଼ା ସପନ ସଂସାରରେ
ହାତ ଚାହେଁ ହାତ ତୋର
ଗୋଲାପ ମହକେ ଭରା ଫୁଲ ମୁଁ
ଖୋଜେ ଅଦେଖା ଭଅଁର |