ମନ୍ ଆଉ ବିବେକ୍

ଜୀବନ୍ ରାସ୍ତାରେ ମୁନୁଷ୍ ସାଇକିଲ୍           

 ଚାଲୁଥିସି କେତେବେଲେଁ ବର୍କସ୍ ହେଇ ତ କେତେବେଲେଁ ହେଇ ଢିଲ୍ |              

 ମୁନୁଷ୍ ସାଇକିଲେଁ ମନ୍ ଟା ଚକା           

 ଗଡ଼ୁଥିସି ନାଇଁ ଦେଖିକରିଁ ରାସ୍ତାଟା କଚ୍ଚା ଆଏ କି ପକ୍କା |                                      

    ମୁନୁଷ୍ ସାଇକିଲେଁ ବିବେକ୍ ଟା ଆଏ ବ୍ରେକ୍       

 ସବୁବେଲେଁ ସବୁ ପାର୍ଟ୍ କେ କରୁଥିସି ଚେକ୍ |            

ମନ୍ ଅମାନିଆ ନାଇମାନେ କେଭେଁ କଥା        

ତାହାକେ ଠିକ୍ ବାଟ୍କେ ଆନ୍ବାର୍କେ ବିବେକ୍ ହେଇଯାଏସି ଅଥା |                     

 ବିବେକ୍ ସାଙ୍ଗେ ମନ୍ ନାଇଁ ମିଶନ୍ ସହଜେଁ    

   ଦୁହେ ମିଶିଗଲେଁ ସଫଲ୍ ହେବା ମୁନୁଷ୍ ନିଜେଁ ନିଜେଁ |                                

   ମନ୍ ଆଉ ବିବେକ୍ ଗଲେଁ ମିଶି           

   ଜୀବ୍ନେ ସଫଲ୍ ହେବାର୍ ବାଟ୍ ଜଲ୍ଦି ଯାଏସି ଦିଶି  |      

            ବିବେକ୍ ଆଉ ମନ୍ ନାଇଁ ମିଶ୍ଲେଁ କେଭେଁ        

  ସଫଲ୍ ନାଇଁ ହଉ ଜୀବନ୍ ରାସ୍ତାରେ କେଭେଁ |