ମମତାର ସିନ୍ଧୁ
ମମତାର ସିନ୍ଧୁ
ନର୍କ ଉଦ୍ଧାରିଣୀ ବୋଲି ନାରୀ ଯଶ ବହି
ସଂସାରରେ ଜନମିଛି ସର୍ବସଂହା ହୋଇ
ମନ ତା'ର ନିରିମଳ ସ୍ନେହଶ୍ରଦ୍ଧା ନଈ
କୁଳୁକୁଳୁ ଝରିଯାଏ ପ୍ରୀତି ଗୀତ ଗାଇ ।
ଜାୟା, ଭଗ୍ନୀ,ଜନନୀର ଭିନ୍ନ ରୂପ ନେଇ
ଚେଷ୍ଟାରତ ଅବିରତ ଆମ ଖୁସି ପାଇଁ
ଓଠଧାରେ ହସଭରେ ଦୁଃଖକ୍ଳେଶ ସହି
ପ୍ରତିଦାନେ କାହାଠାରୁ କିଛି ମାଗିନାହିଁ ।
ରାତି ରାତି ସେବା କରେ ଉଜାଗର ରହି
ପ୍ରଭୁପଦେ ଧ୍ୟାନ ତା'ର ସଦା ପୂଜୁଥାଇ
ଦୟା,କ୍ଷମା,ପ୍ରୀତି ସୁଧା ହୃଦେ ଭରିଥାଇ
ମନୋବଳ ବୃଦ୍ଧି କରେ ପ୍ରେରଣାକୁ ଦେଇ ।
ମମତାର ସିନ୍ଧୁ ନାରୀ ସୃଷ୍ଟି ଶୋଭମୟୀ
ମୂଲ୍ୟ ତା'ର କେବେ ଦେଇ ପାରିବ କି କେହି ?