ମହାର୍ହ ମକର ସଙ୍କ୍ରାନ୍ତି
ମହାର୍ହ ମକର ସଙ୍କ୍ରାନ୍ତି
ମହାର୍ହ ମହନୀୟ ଯେ ଉତ୍ତରାୟଣର ପବିତ୍ରକାରୀ ପୁଣ୍ୟକାଳ,
ସରିତ ସରୋବର ସ୍ନାନରେ ଆରମ୍ଭ ହୁଏ ସର୍ବଜନଙ୍କର ସକାଳ,
ନମସ୍କାରପ୍ରିୟ ଶୁଭଙ୍କର ଶ୍ରୀସୁର୍ଯ୍ୟଙ୍କ ମକର ରାଶିକୁ ସଞ୍ଚାର ବେଳ,
ଯାହା ମହତ୍ତର ମହତ୍ତମ ମକର ସଙ୍କ୍ରାନ୍ତିର ଉପଭୋଗ୍ୟ ପରବ ବେଳ |୧|
ବ୍ୟସ୍ତତାପୂର୍ଣ୍ଣ ହୁଏ ନୀଳାଚଳ ନୀଳଶୈଳ ବଡ଼ଦେଉଳ,
ଶ୍ରୀବିଗ୍ରହ ତ୍ରିମୁଣ୍ଡିଙ୍କ ଲାଗି ହୁଏ ମୋହକର ମକରଚୂଳ,
ଶ୍ରୀଜୀଉଙ୍କ ପାଇଁ ମକର ଚୌରାଶୀ ବେଶର ଏ ବେଳ,
ନବାଙ୍କ ମହାନୈବେଦ୍ୟରେ ହୁଏ ସୁସ୍ୱାଦୁ ମକର ଚାଉଳ |୨|
ଅଭିଷେକପ୍ରିୟ ସଦାଶିବ ମହାଦେବଙ୍କ ଅର୍ଚ୍ଚନାର ବେଳ,
ନିଆରା ଯେ ଧବଳେଶ୍ୱର ହଟକେଶ୍ୱରର ମକର ମେଳ,
ନୀଳଗଗନକୁ ରଙ୍ଗବେରଙ୍ଗ କରେ ଅଭିନ୍ନ ପତଙ୍ଗ ଖେଳ,
ଚାଷୀଙ୍କର ଫସଲ ଅମଳକାଳୀନ ଉତ୍ସବର ମଙ୍ଗଳ ବେଳ|୩|
ମାଘ ମାସ ସହ ପ୍ରାରମ୍ଭ ହୁଏ ପ୍ରଖର ସୂର୍ଯ୍ୟର ବେଳ,
ଦିନକୁଦିନ ଯାହା ହେଲା ଦିନ ବକର ହେବାର ବେଳ,
ଅଦ୍ଵିତୀୟ ଆମ୍ବ ପଣସ ବୃକ୍ଷରେ ଧରେ ନିର୍ମଳ ବଉଳ,
ମକର ସଙ୍କ୍ରାନ୍ତିର ପାର୍ବଣ ସମୟରେ ନ ରହୁ ଅନ୍ତରାଳ ।୪ ।