ମହାବିଦ୍ୟା ମାଆ ଭୈରବୀ
ମହାବିଦ୍ୟା ମାଆ ଭୈରବୀ
ଜୟ ମା ଭୈରବୀ ଭଇରବ ରବି
ଜୟ ମା ମଙ୍ଗଳମୟୀ l
ଭଇରବ ରବେ ପାପୀଙ୍କୁ ସରବେ
ସତର୍କ ଥାଉ କରାଇ ll
ମହା ଭଇରବ ଶିବ ତୋର ଧବ
ଶ୍ରୀକ୍ଷେତ୍ରରେ ବିମଳେଇ l
ମାଆ ଭଗବତୀ ବାଣପୁରେ ତୁହି
ଯାଜପୁରେ ବିରଜାଇ ll
କଳି ଶେଷହେବ ଭୈରବୀ ଡାକିବ
ପାପୀଜନ ତ୍ରାହି ତ୍ରାହି l
ଭଇରବ ରବେ, ବିରଜା ଡାକିବେ
ଅଚ୍ୟୁତ ଅଛନ୍ତି କହି ll
ମାଆ ତୁ ଅପର୍ଣ୍ଣା ଦେବୀ ଶୁଭ୍ରବର୍ଣ୍ଣା
ଜୟ ଜୟ ଶୈଳସୂତେ l
ଶିବ ସୋହାଗିନୀ ପର୍ବତ ନନ୍ଦିନୀ
ବାସ କୈଳାସ ପର୍ବତେ ll
ମାଆ ଭୟଙ୍କରୀ ସର୍ଵ ପୀଡ଼ାହରୀ
ଜୟ ମା' ବର ଦାୟିନୀ l
ଜୟ କାତ୍ୟାୟନୀ ଜଗତ ଜନନୀ
ଜୟ ମା' ବିଶ୍ଵ କଲ୍ୟାଣୀ ll
ଜୟ ମାହେଶ୍ୱରୀ ଶଙ୍କରୀ ଗଉରୀ
ଦେବୀ ନୃମୁଣ୍ଡ ମାଳିନୀ l
ତ୍ରିପୁରେ ପୂଜିତା ମା' ଅପରାଜିତା
ଜୟ ମାଆ ତ୍ରିନୟନୀ ll
ଜୟ ମା ବରଦେ ବନ୍ଦଇ ତୋ ପଦେ
ଶୁଦ୍ଧ ବିଦ୍ୟା ପ୍ରଦାୟିନୀ l
ନମଃ ନମଃ ଦୟାମୟୀ ମହାମାୟୀ
ନମସ୍ତୁତେ ନାରାୟଣୀ ll