ମାଟିଘର

ଲୁହାଛଡ଼ କଂକ୍ରିଟର ନୁହେଁ ମୋର ଘର

ନାହିଁ ଦାମୀ ଚିଜ ତହିଁ ନିଜ ଅର୍ଜନର 

କାନ୍ଥସାରା ଭିନ୍ନ ଭିନ୍ନ ରଙ୍ଗ ଲାଗିନାହିଁ

ତଥାପି ମୋ ଘର ସ୍ୱର୍ଗ କହୁଅଛି ମୁହିଁ ।

ଜନ୍ମଭୂମି ଛାତି ପରେ ଗଢ଼ା ମାଟିଘର

ଗୋବର ମାଟିରେ ଲିପା ସବୁ କାନ୍ଥ ତା'ର

ନିରାପଦ ଆଶ୍ରୟ ସେ ସାଜିଛି ଆମର

କୋଳେ ତା'ର ଛୁଏଁନାହିଁ ଶୀତ କି କାକର ।

ନଡା ଛପରରେ ନାହିଁ ବରଷାର ଡର

ଟାଣଖରା ,ଝାଞ୍ଜି ବାଆ କରୁନା ଖାତିର

ମନ ଦେଇ କରୁଅଛୁ ସଫା ଓ ସୁତର

ମିଳୁଅଛି ସେହିଠାରେ ଶାନ୍ତି ଯେ ଅପାର ।

ଛୋଟ ସିନା ଘର ମୋର ଲାଗୁଛି ସୁନ୍ଦର

ମିଳିମିଶି ରହୁଅଛୁ ଆମ ପରିବାର ।