ଲାଇବ୍ରେରୀ
ପ୍ରୋଫାଇଲ୍
ମାଁ
ମାଁ
1 min
224
ମାଁ ଏକ ଅପ୍ରତିଦ୍ଵନ୍ଦୀ ରାହା
ସାରା ବିଶ୍ୱରେ ବନ୍ଦନୀୟା
ସରସ ସୁରମ୍ୟ ବିଶାଳ ହିୟା
ତ୍ୟାଗ ବଳିଦାନରେ ପରିପୂର୍ଣ୍ଣ
ମହଲ ହେଉ କି ଛୋଟ କୁଡିଆ
ମମତାର ଭଣ୍ଡାର ସନ୍ତାନ ଵତ୍ସଳା
ସ୍ନେହ କରୁଣାର ଶୀତଳ କାରାଗାର
ଭିନ୍ନ ଭୂମିକାରେ ଅଦମ୍ୟ କଳାକାର
କେବେ ହସର ପାଖୁଡ଼ା ଫୁଟାଇ ଦିଏ
କେବେ ମଉସୁମୀ ହୋଇ ବରଷି ଯାଏ
ଝଡ ଝଂଜା କି ଵାଆ ବତାସ ରେ
ଦମ୍ଭ ହାରେନି ଚନ୍ଦ୍ରମା ଗ୍ରାସେ,
ସ୍ବାନ୍ତନା ଦିଏ ସେ ନିଜକୁ ଜାଳି
ଉଜାଗର ରୁହେ ସବୁ କଥାକୁ ଭାଳି
ଶୋଇ ବିଳମ୍ବ ରେ ଉଠେ ଚଞ୍ଚଳ
ଚପଳା ପରି ସେ କର୍ମ ତତ୍ପର
କଷ୍ଟ ଲୁଚାଇ ହସ ଉକୁଟାଏ
ସତରେ ଯେମିତି ସେ ଯାଦୁକରୀ
ବିଶ୍ଵ ଦରବାରରେ ଶ୍ରେଷ୍ଠ କାରିଗରୀ
ମୋ ମାଁ ତୁମ ମାଁ ପୃଥିବୀ ମାଆ
ଆମ ସମସ୍ତଙ୍କ ଉଜ୍ଜ୍ୱଳ ରାହା ।।
