ମାଆ ତାରିଣୀ

କିଏ ଡାକେ ତୋତେ ନଡ଼ିଆରାଣୀ

କିଏ ଡାକେ ତୋତେ ମାଆ ତାରିଣୀ

ନାଲି ମନ୍ଦାରରେ ସଜ ହେଉ ମାଆ

କିଏ ଡାକେ ତୋତେ ମନ୍ଦାର ରାଣୀ

ମାଲୋ ଘଟଗାଁ ରାଣୀ

       ମାଲୋ ମାଆ ତାରିଣୀ ।

ଭକତ ମନର ବେଦନା ଜାଣି ମା

    ମନାସୀ କରୁ ପୂରଣ

ଗୋଟା ନଡ଼ିଆରେ ସିନ୍ଦୁର ଟିକିଏ

    ନାଲି ଶାଲୁ ଆବରଣ

ଅତି ଶରଧାରେ ନାଲି ଶାଢ଼ୀଟିଏ

     ଦେଇ କରେ ଯେ ମାଗୁଣୀ ।

ଧନ ଦରବକୁ ତୁଚ୍ଛ କରି ମାଆ

     ମାଟି ଘୋଡାରେ ତୋ ମନ

ପିତଳ ଘଣ୍ଟର ମଧୁର ତାନରେ

     ନିତି କରୁ ମା ଭୋଜନ

ଅତି ଶରଧାରେ ପିତଳ ଘଣ୍ଟଟି

     ଆଣିଛି ଟି ମନ ଜାଣି ।